ފެލިވަރު ކޭނަރީ އެޅުމަށް ހަވާޅުކޮށްފައިވަނީ ޗައިނާގެ ކުންފުންޏަކާއެވެ. އެ ކުންފުންޏްނާއި ހަވާލުކުރި މި މަސައްކަތުގެ އަގަކީ 40 މިލިއަން ޑޮލަރެވެ.
މިފްކޯއިން ބުނީ ކެނަރީ އަޅާ ކުންފުނިން ފެލިވަރަށް ޒިޔާރަތްކޮށް އެތަން އަޅަންޖެހޭ ސަރަހައްދު ބަލާ ދިރާސާކޮށްފައިވާކަމަށެވެ. އަދި ކޭނަރީ ޑިޒައިން ކުރުމުގެ މަސައްކަތް މިހާރު ފަށާފައިވާކަމަށްވެސް މިފްކޯއިން ވަނީ ބުނެފަ އެވެ.
މިފްކޯއިން ބުނީ އެ ކުންފުނީގެ އަމާޒަކީ މި މަސައްކަތް 2026 ގެ ނިޔަލަށްް ނިންމުމެވެ. އަދި މި މަސައްކަތް ނިމުމުން އެއްފަހަރާ 150 ޓަނުގެ މަސް ޕްރޮސެސްކުރެވޭނެކަމަށް ވެސް އެ ކުންފުނިން ބުނެ އެވެ.
މފެލިވަރު މަސްދަޅު އުފައްދާަން ފެލިވަރުގައި މިހާރު ބޭނުންކުރަމުން އަންނަ ކޭނަރީއަކީ މީގެ 40ހަކަށް އަހަރު ކުރިން އަޅާފައިވާތަނަކެވެ.
ފެލިވަރުގައި ކޭނަރީ އަޅާ ޗައިނާ ކުންފުނީގެ މުވައްޒަފުން މިފްކޯގެ ޓީމަކާއި އެކު
މިފްކޯގެ މަސް ފެކްޓްރީ، ޅ. ފެލިވަރު ތަރައްގީކުރުމަށް މިދިޔަ ސަރުކާރުންވެސް ވަނީ ފަށާފައެވެ. އެގޮތުން އެތަނުގެ ކޯލްޑް ސްޓޯރޭޖް 4،000 ޓަނަށް ބޮޑުކުރުމުގެ މަސައްކަތް އިންޑިއާގެ ކުންފުންޏަކާއި ހަވާލުކުރިއެވެ. އެ މަސައްކަތުގެ ދަށުން ދުވާލަކު 200 ޓަނުގެ މަސް ފްރީޒް ކުރެވޭ ބްރައިން ފްރީޒިން ފެސިލިޓީއަކައި މަސް ފިނިކޮށް ބަހައްޓާ 80 ޓަނުގެ ރެފްރިޖަރޭޓަޑް ސީ ވޯޓަ ސިސްޓަމެއް ގާއިމުކުރަން ވަނީ ހަމަޖެހިފަ އެވެ.
ފެލިވަރުގައި ތަރައްގީ ކުރާ އެ ކޯލްޑް ސްޓޯރޭޖަކީ މިހާތަނަށް ރާއްޖޭގައި ގާއިމުކުރެވޭނެ އެންމެ ބޮޑު ކޯލްޑް ސްޓޯރޭޖްކަމަށް މިފްކޯއިން ވަނީ ބުނެފަ އެވެ.
