މިނިސްޓަރު އޮފް ސިޓީސް، ލޯކަލް ގަވަމަންޓް އެންޑް ޕަބްލިކް ވޯކްސް އާދަމް ޝަރީފް އުމަރު
ލާމަރުކަޒީ ނިޒާމަށް ބަދަލު ގެންނަންވާނީ މަޖިލިސްގެ ލަފާ ހޯދައިގެން: އާދަމް ޝަރީފް
އައިޝަތު ރަޝާ
29 ޖޫން 2024 - 19:10:28
ލާމަރުކާޒީ ނިޒާމަށް ބަދަލު ގެންނަންވާނީ އެ ނިޒާމުގައި ހުރި ގިނަ މައްސަަލަތަކަށް ހެޔޮ ބަދަލު ގެނެވޭގޮތަށް، ގައުމީ ޔުނިވާސިޓީން ހަދާ ރީސާޗް އިން މަޖިލިސް އާއި އާންމުންގެ ހިޔާލާއި ތަޖުރިބާކާރުންގެ ލަފާ ހޯދައިގެންކަމަށް ލޯކަލް ގަވަމްންޓް މިނިސްޓަރު އާދަމް ޝަރީފް އުމަރު ވިދާޅުވެއްޖެ އެވެ.
Advertisement
މިނިސްޓަރު އާދަމް ޝަރީފް މިހެން ވިދާޅުވީ މިއަދު އެކްސްގައި ކުރި ޕޯސްޓެއް ގައެވެ.
އެ ޕޯސްޓްގައި މިނިސްޓަރު ވަނީ ރައްޔިތުންގެ މަޖިލީހުގެ ރައިސް އަބްދުއްރަހީމް ޓެގް ކުރައްވާ މަޖިލީހުން އެ ބަދަލުތައް ގެނައުމަށް ދައްޗެއް ނުވާނެކަމުގެ ޔަގީންކަން އެބައޮތްކަމަށް ވިދާޅުވެފަ އެވެ.
ލާމަރުކަޒީ ނިޒާމުގެ ތަފާތު މޮޑެލްތައް އެކި ގައުމުތަކުގައި އެބަހުރިކަމަށާއި އެ ހުރިހާ ކަމެއް ރިއާޔަތްކުރުން ވަަރަށް މުހިއްމުކަމުގައި އާދަމް ޝަރީފް ވިދާޅުވި އެވެ.
އާދަމް ޝަރީފް މިހެން ވިދާޅުވިއިރު ލޯކަލް ގަވަމަންޓް އޮތޯރިޓީގެ ސީއީއޯ ޑރ. މަރިޔަމް ޒުލްފާ ވަނީ ކައުންސިލަރުން ޒިންމާ އަދާ ނުކުރާ ކަމުގެ ޝަކުވާ ވަރަށް ގިނައިން ލިބޭ ކަމަށާއި އެކަން ހައްލު ކުރުމަށް ހުވާ ކުރުމުގެ ކުރިން ކޯހެއް ހެދުމަށް މަޖުބޫރު ކުރުމުގެ ވިސްނުން ހުރިކަމަށް ވިދާޅުވެފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
