ޝަރީފު މިހެން ވިދާޅުވީ ސަރުކާރުން ގެންގުޅޭ ހަރަދުކުޑަކުރުމުގެ ސިޔާސަތުގެ ދަށުން އެމްއޭސީއެލުން ކުރަން ނިންމާފައިވާކަން ކަން ހާމަކުރައްވަމުންނެވެ.
ޝަރީފް ވިދާޅުވީ އެމްއޭސީއެލްގައި ވަޒީފާ އަދާކުރާ މުވައްޒަފުންގެ އަދަދު 4000 މައްޗަށް އަރާކަމަށެވެ. އެހެންކަމުން ޕްރިންޓްކުރުމާއި ކަރުދާސް ހަރަދުކުރުމަށް ކުރާ ހަރަދު އެހެން ހުރިހާ ކުންފުންޏަކަށް ވުރެ ނިސްބަތުން ބޮޑުކަމަށެވެ. ކުރިޔަށް އަހަރެއްގެ ތެރޭގައި އެމްއޭސީއެލް ޕޭޕާ ލެސް ކުންފުންޏަކަށް ހަދާނެކަމަށް ޝަރީފް ވިދާޅުވިއެވެ.
އެއާޕޯޓްގެ ހަރަދު ކުޑަކުރުމަށް ކުރާ މަސައްކަތްތަކުގެ ދަށުން ކަރަންޓަށްް ކުރާ ހޭދަ ކުޑަކުރުމަށް ނިންމާފައިވާކަމަށްވެސް ޝަރީފު ވިދާޅުވިއެވެ. އެގޮތުން މިހާރު ކަރަންޓް ދެމުން އަންނަ ޖެންސެޓް ތަކަކީ ދުވަސްވެފައިވާ ތަކެއްޗަށްވުމުން ކަރަންޓަށް ހިންގާ ހަރަދު އެތައް ތަނުން ބޮޑުކަން އޭނާ ފާހަގަކުރެއްވިއެވެ.
އެއާޕޯޓްސް ކޮމްޕެނީގެ ހަރަދު ކުޑަކުރުމަށް ގިނަ މަސައްކަތްތަކެއް ކުރަން ފަށާފައިވާކަން އެ ކުންފުނީގެ ސީއީއޯ ވިދާޅުވިއެވެ. ހަރަދު ކުޑަކުރަން މަސައްކަތް ކުރި ނަމަވެސް އެއްވެސް މުވައްޒަފެއް ކުންފުނިން ވަކި ނުކުރާނެކަމަށާއި އަދި އެއްވެސް މުވައްޒަފެއްގެ މުސާރަ ކުޑަނުކުރާނެކަމަށްވެސް އިބްރާހިމް ޝަރީފު މުހައްމަދު ވިދާޅުވިއެވެ.
