ކުރީގެ ޗީފް އޮފް ޑިފެންސް ފޯސް، ލެފްޓިނެންޓު ޖެނެރަލް، ރިޓަޔާޑް، އަބްދުއްރަހީމް އަބްދުއްލަތީފް--ފޮޓޯ: ރައީސް އޮފީސް
ތުރުކީއަށް އަބްދުއްރަހީމް، ޕާކިސްތާނަށް ތޯހާއަށް، ރުހުން ދީފި
އަލީ މިދުހަތު
30 ޖޫން 2024 - 13:59:17
ފޮރިން މިނިސްޓްރީގެ ސްޓޭޓް މިނިސްޓަރުގެ މަގާމުގައި ހުންނެވި ކުރީގެ ޗީފް އޮފް ޑިފެންސް ފޯސް، ލެފްޓިނެންޓު ޖެނެރަލް، ރިޓަޔާޑް، އަބްދުއްރަހީމް އަބްދުއްލަތީފަށް ރާއްޖެއިން ތުރުކީއަށް ކަނޑައަޅާ ސަފީރުގެ މަގާމަށާއި ޕާކިސްތާނުގައި ހުންނަވާ ރާއްޖޭގެ ސަފީރުގެ މަގާމަށް ނ. ހޮޅުދޫ، އުފަންވެލި، ތޯހާ މުހައްމަދު އައްޔަނުކުރަން ރައްޔިތުންގެ މަޖިލީހުން ރުހުން ދީފި އެވެ.
Advertisement
މިއަދުގެ ޖަލްސާއަށް އެ މައްސަލަ އެޖެންޑާކޮށް ނެގި ވޯޓުގައި 82 މެންބަރުންގެ ވޯޓާއެކު އަބްދުއްރަހީމް، ތުރުކީއަށް ރާއްޖެއިން ކަނޑައަޅާ ސަފީރުކަމަށް އައްޔަނުކުރަން ވަނީ ރުހުން ދީފައެވެ.
އަބްދުއްރަހީމް އެމްއެންޑީއެފުން ރިޓަޔާ ކުރެއްވީ މި އަހަރުގެ އޭޕްރީލް މަހު އެވެ.
އަދި މިހާރު ސައުދީ އަރަބިއްޔާއަށް ރާއްޖެއިން ކަނޑައަޅުއްވާފައިވާ ސަފީރުކަމުން ޕާކިސްތާނު ސަފީރުކަމަށް ބަދަލުކުރުމަށް ނ. ހޮޅުދޫ އުފަންވެލި، ތޯހާ މުހައްމަދު އަށް ވެސް ވަނީ 82 މެންބަރުން ވޯޓު ދީފަ އެވެ.
މި ދެ ފަރާތަށް ރުހުން ނުދިނުމަށް އެއްވެސް މެންބަރަކު ވޯޓު ދީފައެއް ނުވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
