Advertisement

މިފްކޯއިން މިއަދު ނިންމީ، 1 ޖުލައި، މާދަމާއިން ފެށިގެން ކޮންމެ ހަފްތާއަކު އެ ހަފްތާއަކަށް މަސް ގަންނަ އަގު ކަނޑައަޅާށެވެ. އެގޮތަށް އަގު ކަނޑައަޅަނީ، ބޭރުގެ ބާޒާރުގައި މަހުގެ އަގު ހުރި މިންވަރަށާއި މަސް ގަނެ، އެކްސްޕޯޓު ކުރުމަށް ހިނގާނެ ހަރަދަށް ބަލައިގެންނެވެ.  

ގަނޑުކުރި މަސް ގަންނަ އަގު

• 1.5 ކިލޯއަށް ވުރެ ބަރު މަސް - ކިލޯއަކަށް 16ރ.
• 1.5 ކިލޯ ހަމަނުވާ މަސް - ކިލޯއަކަށް 7ރ.

ގަނޑު ނުކުރާ މަސް ގަންނަ އަގު

• 1.5 ކިލޯއަށް ވުރެ ބަރު މަސް - ކިލޯއަކަށް 14ރ.
• 1.5 ކިލޯ ހަމަނުވާ މަސް - ކިލޯއަކަށް 5ރ.

މަސްވެރިންގެ އަތުން ގަންނަ މަހަށް ދޭންޖެހޭ ފައިސާ ގަވާއިދުން ދެވޭނެ އިންތިޒާމެއް މި ބަދަލާއެކު ހަމަޖެހިގެން ދާނެ ކަމަށް މިފްކޯއިން ބުނެ އެވެ.

މީގެ ކުރިން މަސް ގަންނަމުން އައީ ކިލޯއެއް 20ރ. އަށެވެ. 

މިފްކޯއިން ނިންމާފައި ވަނީ މަސްވެރިންނަށް މިހާތަނަށް ނުދީ ހުރި ހުރިހާ ފައިސާއެއް މާދަމާގެ ނިޔަލަށް ދައްކާ ހަލާސްކުރާށެވެ. އެންމެ ފަހުން ހާމަކުރި މައުލޫމާތަށް ބަލާއިރު 53 މިލިއަން ރުފިޔާއަށް ވުރެ ބޮޑު އެއްޗެއް މަސްވެރިންނަށް ދޭން އެބަ އޮތެވެ.