ސިހުރު ހެދި ކަމުގެ ތުހުމަތުގައި ޝަމްނާޒް ހައްޔަރުކުރީ މިދިޔަ މަހުގެ 23 ވަނަދުވަހުއެވެ. ޝަމްނާޒާއި އެކު އޭނާގެ ކޮއްކޮ ހައްވާ ސަނާ ސަލީމް އިތުރު ތ. ކިނބިދޫ ހުސައިން ސަމީރު ހައްޔަރުކޮށް ފުލުހުން އަންނަނީ އެ މައްސަލަ ތަހުގީގުކުރަމުންނެވެ. އަދި މި ތިން މީހުންގެ ބަންދަށް ކުރިން ވަނީ 7 ދުވަސް ޖަހާފައެވެ.
މި މީހުންގެ ބަންދާއި މެދު ގޮތެއް ނިންމުމަށް މިއަދު ކްރިމިނަލްކޯޓުގައި ބޭއްވި އަޑުއެހުން ކުރިޔަށް ގެންދިޔައީ ސިއްރުކޮށްގެންނެވެ. މި މައްސަލާގައި މި ތިން މީހުންވެސް ހައްޔަރުކުރީ ފުލުހުންގެ އިންޓެލިޖެންސް ރިޕޯޓެއްގެ މައްޗަށް ބިނާކޮށެވެ.
މި މައްސަލަ ފެންމަތިވުމުން ޝަމްނާޒާާއި އޭނާގެ ކޮއްކޮގެ އިތުރުން އޭނާގެ ކުރީގެ ފިރިމިހާ އާދަމް ރަމީޒު ވަނީ މަގާމުން ސަސްޕެންޑްކޮށްފައެވެ. ރައީސް ޑރ. މުއިއްޒާއި ވަރަށް އަރިސްކޮށް އުޅުއްވި ރަމީޒު ހުންނެވީ ރައީސް އޮފީހުންގެ މިނިސްޓަރުގެ މަގާމުގައެވެ. ޝަމްނާޒް ހުރީ ތިމާވެއްޓާ ބެހޭ މިނިސްޓްރީގެ ސްޓޭޓް މިނިސްޓަރުކަމުގެ މަގާމުގައެވެ. އޭނާގެ ކޮއްކޮ ސަނާ ހުރީ އެ މިނިސްޓްރީގެ ސީނިއަރ ޕޮލިޓިކަލް ޑިރެކްޓަރުގެ މަގާމުގައެވެ.
