މިނިސްޓްރީ އޮފް އެޑިޔުކޭޝަންގައި މިއަދު ބޭއްވި ރަސްމިއްޔާތެއްގައި، މިނިސްޓްރީގެ ފަރާތުން މި ފަހުމުނާމާގައި ސޮއިކުރެއްވީ ސްޓޭޓް މިނިސްޓަރ ޑރ. އަހުމަދު މުހައްމަދު އެވެ. އަދި ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން އިން ސޮއިކުރެއްވީ ޑެޕިއުޓީ މިނިސްޓަރ އަހުމަދު އަލީ އެވެ.
އެޑިއުކޭޝަން މިނިސްޓްރީން ބުނީ، މި ފަހުމުނާމާގެ މަގުސަދަކީ، ގާނޫނު ނަންބަރު 2020/24 (ތައުލީމުގެ ގާނޫނު) ގެ 6 ވަނަ މާއްދާގެ (ހ) ގެ 1 ވަނަ ނަންބަރުގައި ބަޔާންކޮށްފައިވާ ގޮތުގެ މަތިން ކުޑަކުއްޖެއްގެ އުމުރުން 4 އަހަރު ފުރުނީއްސުރެ، އުމުރުން 18 އަހަރު ފުރެންދެން ނުވަތަ ޕްރީސްކޫލުން ފެށިގެން ގްރޭޑް 12 ނިމެންދެން ތައުލީމު ލިބުމުގެ ހައްގު ކަށަވަރު ކޮށްދިނުމަށްޓަކައި، ޑިޕާޓްމަންޓް އޮފް ނޭޝަނަލް ރެޖިސްޓްރޭޝަނުން ބޭނުންވާ މައުލޫމާތު ފަސޭހަކަމާއެކު ލިބޭނެ އިންތިޒާމްތައް ހަމަޖެއްސުމާއި އަދި އެ އިންތިޒާމްތައް ހަމަޖެއްސުމުގައި ދެ އިދާރާގެ ޒިންމާތައް ކަނޑައެޅުން ކަމަށެވެ.
