ހީނާ ވަލީދު ވިދާޅުވީ، ރައީސްއާއި އެމަނިކުފާނުގެ އާއިލާއިން މިފަދަ އެއްވެސް މައްސަލައެއް އެއްވެސް ފަރާތަކާއިމެދު ފުލުހުންގެ އިދާރާއަށް ހުށަހަޅާފައި ނުވާ ކަމަށެވެ.
އަދި މީޑީއާގައި ރައީސްއާއި، އެމަނިކުފާނުގެ އާއިލާއާއި މިކަމާއި ގުޅުވައި ފަތުރަމުން ދަނީ ހަގީގަތާއި ހިލާފު ވާހަކައެއް ކަމަށް ވިދާޅުވި އެވެ. މިކަން ދިވެހިން ފުލުހުންގެ ހިދުމަތުންވެސް ވަނީ ކަށަވަރުކޮށްދެއްވާފަ އެވެ.
ފުލުހުން މިއަދު ބުނީ ޝަމްނާޒްއާއި އޭނާގެ ކޮއްކޮގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން އިތުރު ހަތް ދުވަސް ބަންދުގައި ބެހެއްޓުމަށް ކޯޓުން މުއްދަތު ދީފައިވާ ކަމަށެވެ.
ޝަމްނާޒާއި އޭނާގެ ކުރީގެ ފިރިކަލުން އަދި ރައީސް އޮފީހުގެ މިނިސްޓަރު އާދަމް ރަމީޒަކީ މާލޭގެ މޭޔަރެއްގެ ގޮތުގައި ރައީސް ޑރ. މުހައްމަދު މުއިއްޒު ހުންނެވިއިރު ރައީސް މުއިއްޒުގެ އެންމެ އަރިސް ދެ ބޭފުޅުންނެވެ. ނަމަވެސް ރަމީޒުވެސް ޝަމްނާޒްވެސް މިހާރު ވަނީ މަގާމުން ސަސްޕެންޑްކޮށްފަ އެވެ.
