އެ ތަކެތި ހަދިޔާކުރީ ޅ. ހިންނަވަރާއި، ހއ. ހޯރަފުށި އަދި ޅ. ކުރެންދު އަށެވެ.
ޗަމްޕާ ބްރަދާސްގެ އެއް ހިއްސާދާރު މުހައްމަދު މޫސާ (އުއްޗު) ގެ ފަރާތުން މި ތަކެތި ހަވާލު ކޮށްދެއްވީ ދަރިކަނބަލުން ސާރާ މޫސާ އެވެ. ހަަމައެއާއެކު މި ތަކެއްޗާއި ހަވާލުވުމަށް ވަޑައިގަތީ މި ތިން ދާއިރާގެ ރައްޔިތުންގެ މަޖިލީސް މެމްބަރުންނެވެ.
މިއަދުގެ ރަސްމިއްޔާތުގައި ބައިވެރިވެ ވަޑައިގެން، ވާހަކަ ދައްކަވަމުން ހެލްތު މިނިސްޓަރު ޑރ. އަބްދުﷲ ހަލީލު ވިދާޅުވީ އެ ތަކެތީގެ ފައިދާ ކުރާނީ ހަމައެކަނި އެ ރަށްތަކުގެ ރައްޔިތުންނަށް ނޫން ކަމަށާއި އެ ރަށްތަކާ ކައިރީ ދިރިއުޅޭ ރައްޔިތުންނަށް ވެސް ފިޒިއޮތެރަޕީގެ ހިދުމަތް ހޯދަން ދުރަށް ދަތުރު ކުރަން ޖެހޭ ޖެހުމަށް ނިމުން އަންނާނެ ކަމަށެވެ.
ހަލީލު ވިދާޅުވީ ރާއްޖޭގެ ސިއްހީ ނިޒާމަށް އެންމެ ބޮޑު ލޮޅުމެއް އެރީ ކޮވިޑު19ގެ ދުވަސްވަރު ކަމަށާއި އޭރު ޕްރައިވެޓު ސެކްޓާއިން ސިއްހީ ދާއިރާއަށް ދިން އެހީ އަކީ އެ ހާލަތުން އަވަހަށް އަރައިގަނެވުނު އެއް ސަބަބު ކަމަށެވެ.
ހަލީލް ވަނީ އެ ތަކެތި ހަވާލު ކޮށްދެއްވާފައި ވާތީ އުއްޗު އަށް ހާއްސަ ޝުކުރެއް ދަންނަވައިފަ އެވެ.
