މިނިސްޓްރީން ބުނީ މީގެ ތެރޭގައި ހިމެނެނީ ޕީއެޗްޑީގެ އެއް ފުރުސަތާއި މާސްޓާސް ޑިގްރީގެ ދެ ފުރުސަތުގެ އިތުރުން ބެޗްލާސް ޑިގްރީގެ ހަތް ފުރުސަތު ކަމަށެވެ.
މިއީ ސަރުކާރާއި ވޯލްޑް ބޭންކް ގުޅިގެން ހިންގާ "ޓްރާންސްފޯމިން ފިޝަރީޒް މެނޭޖްމަންޓް އިން ސައުތު ވެސްޓް އިންޑިއަން އޯޝަން ރީޖަން އެންޑް މޯލްޑިވްސް ޕްރޮޖެކްޓް" ގެ ދަށުން ހުޅުވައިލި ފުރުސަތުތަކެކެވެ.
ސްކޮލަޝިޕްތަކަށް ހުށަހެޅުމުގެ ފުރުސަތު އަންނަ ސެޕްޓެމްބަރު މަހުގެ ފުރަތަމަ ދުވަހުގެ ނިޔަލަށް ވަނީ ހުޅުވާލައިފަ އެވެ. އެޕްލިކޭޝަނާ އެކު ހުށަހަޅަންޖެހޭ ހުރިހާ ލިޔުންތައް ހުށަހަޅާފައި ނުވާ ނަމަ އެޕްލިކޭޝަން ބާތިލުކުރާނެ ކަމަށް ވެސް މިނިސްޓްރީން ބުންޏެވެ.
ޕީއެޗްޑީއަށް ކިޔަވަން ހުޅުވާލާފައި ވަނީ، އެގްރިކަލްޗާ ދާއިރާއިން އެކަންޏެވެ. މާސްޓާސްއަށް ކިޔަވަން ދެ ފުރުސަތު ހުޅުވާލާފައިވާއިރު ކިޔަވަން ފުރުސަތު ދީފައިވާ ދާއިރާތަކަކީ:
- ސަސްޓެއިނަބްލް ސްޓަޑީސް
- ސަސްޓެއިނަބްލް ޑިވެލޮޕްމަންޓް މެނޭޖްމަންޓް
- ޕްލާންޓް ޕްރޮޓެކްޝަން
- އެންޓޮމޮލޮޖީ
- ޕްލާންޓް ޕެތޮލޮޖީ
ސްކޮލަޝިޕްތަކަށް އެޕްލައި ކުރުމުގެ ފުރުސަތު ހުޅުވާލާފައި ވަނީ ސެޕްޓެމްބަރު މަހުގެ 1 އާ ހަމަަށެވެ. މިކަމާ ބެހޭ އިތުރު މައުލޫމާތު މިނިސްޓްރީގެ މި ނަންބަރު 3033484 އިން ހޯދޭނެ އެވެ.
މިނިސްޓްރީން ބުނީ ސްކޮލަރޝިޕްތަކަށް ހޮވޭ ދަރިވަރުން މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ޤަބޫލުކުރާ ޔުނިވަސިޓީއަކުން އެކްސެޕްޓަންސް ހޯދުމަށް ބޭނުންވާ ލިޔުމެއް މިނިސްޓްރީން ފޯރުކޮށް ދޭނެ ކަމަށެވެ.
