ކުއްލި ހާލަތުގައި ދެވޭ ފަރުވާތަކަށް ހާއްސަވުމަށް ކިޔަވައިވިދާޅުވުމަށް ވަޑައިގަތުމުގެ ކުރިން ޑރ. މޫސައަކީ ފުއްޕާމެގެ ބަލިތަކަށް ފަރުވާދެއްވަމުންގެންދެވި ޑޮކްޓަރެކެވެ. ކުއްލި ހާލަތުގައި ދެވޭ ފަރުވާތަކަށް ހާއްސަވުމަށް އައިޖީއެމްއެޗްގެ ސްކޮލަޝިޕެއްގައި އިންޑިއާއަށް ވަޑައިގަތީ 2022 ވަނަ އަހަރުގެ ޖޫން މަހުގައެވެ. އަދި ކޯސް ނިންމުމަށްފަހު ހިދުމަތާ އަލުން ގުޅިވަޑައިގަތީ މިދިޔަ ހޯމަ ދުވަހު އެވެ.
މިއަދު އެކްގައިކުރި ޕޯސްޓެއްގައި އައިޖީއެމްއެޗުއިން ބުނީ، ޑރ މޫސާ ހުސައިން އެނބުރި ވަޑައިގަތުމަކީ އައިޖީއެމްއެޗް އަށް ލިބުނު އުފާވެރިކަމެއް ކަމަށެވެ.
ޑރ މޫސާގެ ތަޖުރިބާގެ ސަބަބުން ކްރިޓިކަލް ކެއާގެ ހިދުމަތް ވަރަށް ބޮޑަށް އިތުރުވެގެންދާނެ ކަމަށާއި، މި ކަމަމުގެ ސަބަބުން އެންމެ މަތީ ފެންވަރުގެ މެޑިކަލް ކެއަރ ފޯރުކޮށްދެވޭނެ ކަމަށް އައިޖީއެމްއެޗުން ބުންޏެވެ.
ޑރ.މޫސާ ވަނީ ސަބް ސްޕެޝަލިޓީ ހެދުމަށް ފުރުމުގެ ކުރިން އައިސީޔޫ ކެއާ މެނޭޖްމަންޓްގެ ލީޑިން ރޯލްތަކެއްގައި މަސައްކަތް ކުރައްވާފަ އެވެ. އަދި ކޯވިޑް-19 ގެ ދުވަސްވަރު އައިޖީއެމްއެޗްގެ އިންޓެންސިވް ކެއާ ޔުނިޓުގައި ބަލިމީހުންނަށް ފަރުވާ ދިނުމުގައި މުހިއްމު ދައުރެއް އަދާކުރައްވާފަ އެވެ.
ކްރިޓިކަލް ކެއާއިން ހާއްސަ ވެވޭނީ އިމަޖެންސީ ފިޒީޝަން، ފުއްޕާމޭގެ ޑޮކްޓަރު، އެތެރެހަށީގެ ޑޮކްޓަރު ނުވަތަ ހޭނައްތާ ޑޮކްޓަރަކަށެވެ. ކުއްލި ހާލަތުގައި ދެވޭ ފަރުވާތަކަށް ހާއްސަ ޑޮކްޓަރުންނަކީ ބަލިމީހުން ވެންޓިލޭޓަރަށް ލުމާއި ވެންޓިލޭޓަރު މެނޭޖު ކުރުމާއި ހިއުމަން ޑައިނަމިކް އަދި ލޭގެ ޕްރެޝަރު ދަށްވެއްޖެނަމަ ވަކި ގޮތަކަށް މެނޭޖު ކުރުމާއި ކްރިޓިކަލް ކެއާ ޑައިލިސިސް ހެދުންފަދަ ކަންކަން ކުރާ ޑޮކްޓަރުންނެވެ.
