އެޗްޑީސީގެ މެނޭޖިން ޑިރެކްޓަ ފަޒުލް ރަޝީދު ވިދާޅުވީ މަސް މާރުކޭޓާއި ލޯކަލް މާރުކޭޓު ފަދަ މުނިސިޕަލް ހިދުމަތްތަކަށް ބޭނުންކުރާ ތަންތަން ކައުންސިލާ ހަވާލުކުރަން ނިންމާފައިވާ ކަމަށެވެ. ނަމަވެސް ކޮމާޝަލް ބޭނުމަށް ކަނޑައަޅާފައިވާ އެއްވެސް ބިމެއް ކައުންސިލާ ހަވާލުނުކުރާނެ ކަމަށް އޭނާ ވިދާޅުވި އެވެ.
ހުޅުމާލޭގެ މުނިސިޕަލް ހިދުމަތްތައް ކައުންސިލާ ހަވާލުކުރުން ލަސްވަނީ ކައުންސިލުގެ މާލީ ހާލަތު ހުރި ގޮތުން ކަމަށް ފަޒުލް ވިދާޅުވި އެވެ. އަދި ހުޅުމާލެ ފަދަ ބޮޑު ސަރަހައްދެއްގައި މުނިސިޕަލް ހިދުމަތް ދިނުމަށް މާލީ ގޮތުން ގިނަ ގޮންޖެހުންތަކެއް ހުރި ކަން ކައުންސިލުން ފާހަގަކޮށްފައިވާ ކަމަށް އޭނާ ވިދާޅުވި އެވެ.
ހުޅުމާލޭގެ މުނިސިޕަލް މަސައްކަތް މާލެ ސިޓީ ކައުންސިލްގެ ދަށަށް ބަދަލުކުރަން ސަރުކާރުން ނިންމީ 2023 ވަނަ އަހަރުގެ ޑިސެމްބަރު 31 ވަނަ ދުވަހު އެވެ. ނަމަވެސް އަހަރަކާ ގާތްވާއިރުވެސް އަދި މި މަސައްކަތް ކައުންސިލާ ހަވާލުކުރެވިފައެއް ނުވެ އެވެ.
