ފިނޭންސް މިނިސްޓްރީން ބުނީ އިކޮނޮމިކް ރިފޯމް އޮފީހެއް ހެދީ ދައުލަތުގެ މާލީ ނިޒާމު ހަރުދަނާ ކުރުމުގެ ގޮތުން ކުރިއަށްގެންދާ މަސައްކަތްތަކުގެ ތެރެއިން، ދައުލަތުގެ އެކިއެކި ދާއިރާތައް ރިފޯމް ކުރުމާބެހޭ މަސައްކަތްތައް ހަލުވި ކުރުމަށްކަމަށެވެ.
މި މަސައްކަތާ ގުޅޭ މަޢުލޫމާތު ހިމެނޭ ގޮތަށް ތައްޔާރުކުރެވިފައިވާ ޓާރމްސް އޮފް ރިފަރެންސް (ޓީ.އޯ.އާރް) މިނިސްޓްރީގެ ވެބްސައިޓް https://www.finance.gov.mv/ ގައި ޝާއިއު ކުރެވިފައިވާނެކަމަށް ފިނޭންސް މިނިސްޓްރީން ބުނެއެވެ.
މިނިސްޓްރީން ވަނީ މި އޮފީހަށް ކޮމިޝަނަރަކު ހޯދުމަށް އިއުލާންކޮށްފައެވެ. މި ވަޒީފާއަށް ޝައުގުވެރިވާ ފަރާތްތަކަށް އެ ފުރުސަތު މިމަހުގެ 08 ވަނަދުދުވަހުގެ 13:00 އާއި ހަމަޢަށް ހުޅުވާލާފައިވާކަމަށް ފިނޭންސް މިނިސްޓްރީން ބުނެއެވެ. އަދި ރިފޯމް ކޮމިޝަނަރުކަމަށް ޝައުގުވެރިވާ ފަރާތްތަކުން އައި.ޑީ. ކާޑާއި، ސީވީއާއި، ތައުލީމީ ސެޓްފިކެޓްތަކުގެ ކޮޕީ (އެކްރެޑިޓް ކުރައްވަންޖެހޭ ސެޓްފިކެޓްތަކުގެ އެޑްރެޑިޓް ކޮޕީ) އަދި ވަޒީފާ އަދާކުރިކަމުގެ ލިޔުންތައް ހުށަހެޅުމަށް ފިނޭންސް މިނިސްޓްރީން ބުނެއެވެ.
