މަޖިލީހުން މިހެން ބުނެފައި މިވަނީ ޓްރާންސްޕޭރެންސީ މޯލްޑިވްސް އިން އެކްސްގައި ކޮށްފައިވާ ޕޯސްޓަކާއި ގުޅިގެން ނެވެ.
ޓްރާންސްޕޭރެންސީ މޯލްޑިވްސް އިން ބުނީ މަގާމާއި ހަވާލުވިފަހުން މަޖިލީހުގެ މިހާރުގެ މެންބަރުންގެ އެސެޓް ޑެކްލެރޭޝަންތައް ހާމަކޮށްފައި ނުވާ ކަަމަށެވެ. އަދި މި މައުލޫމާތުތައް ވޯޓުލާ ފަރާތްތަކަށް އެނގެން ޖެހޭ ކަމަށް އެ ޕޯސްޓްގައި ވިދާޅުވެފައިވެ އެވެ.
މިކަމާ ގުޅިގެން މަޖިލިސް އިދާރާއިން މިއަދު އެކްސްގައި ކޮށްފައިވާ ޕޯސްޓެއްގައި ވަނީ ޓްރާންސްޕޭރެންސީ މޯލްޑިވްސްއިން ރައްޔިތުންގެ މަޖިލީހުގެ މެންބަރުންގެ މާލީ ބަޔާން ހާމަކުރުމަށް ގޮވާލާ ޓުވީޓުކޮށްފައި ވަނީ މާލީ ބަޔާން ހާމަކުރަމުންދާ އުސޫލު ރަނގަޅަށް ސާފުނުކޮށް ކަމުގައެވެ.
މަޖިލީސް އިދާރާއިން ވިދާޅުވީ، 19 ވަނަ މަޖިލީހުގެ މެންބަރުންގެ ފާއިތުވި ހަތަރު އަހަރުގެ މާލީ ބަޔާން މަޖިލީހުގެ ވެބްސައިޓުން ފެންނަން ހުންނާނެ ކަަމަށެވެ. އަދި އެބޭފުޅުންގެ ފަސް ވަނަ އަހަރުގެ މާލީ ބަޔާން އެ މެންބަރުން ހުށަހަޅުއްވާނީ އަންނަ އޯގަސްޓް މަހުގެ 31 ގެ ކުރިން ކަަމަށްވެސް ވިދާޅުވިއެވެ.
