ހަ އަހަރު ދުވަހު ބަންގްލަދޭޝްގެ ޗެމްޕިއަންކަން ބަޝަންދުރާ ކިންގްސްއަށް ހޯދަދިނުމަށް ފަހު އޭނާ ކްލަބުން ވަކިވާކަން މިއަދުވަނީ ފޭސްބުކްގައި އިއުލާންކޮށްފައެވެ. އޭނާގެ ކޮންޓްރެކްޓް އާކޮށްފިއެވެ.
2019 ވަނަ އަހަރު، ނިއުރޭޑިއަންޓުގައި ހުރުމަށް ފަހު ބަންގްލަދޭޝްއިން ލިބުނު ފުރުސަތެއްގައި އެ ގައުމުގެ ބަޝަންދުރާ ކިންގްސްއާ ހަވާލުވި ކޯޗު އޮސްކާ ބުރޫޒޯންގެ އިރުޝާދުގެ ދަށުން ބަޝަންދުރާއިން ވަނީ ހަ އަހަރުގެ ތެރޭގައި ޖުމްލަ 11 ޓްރޮފީ ހޯދާފައެވެ. އޭނާއަކީ ބަންގްލަދޭޝްގެ ތާރީޚުގައިވެސް އެ ގައުމަށް ކޯޗުކޮށްދިން އެންމެ މޮޅު އެއް ކޯޗެވެ.
އޮސްކާވަނީ ރާއްޖޭގައި ހޭދަ ކުރި އެއް އަހަރުގެ ތެރޭގައި ރާއްޖޭގެ އެއްވަނަ ޑިވިޝަނުގައި ހުރިހާ މުބާރާތެއް ނިއުރޭޑިއަންޓަށް ކާމިޔާބުކޮށްދީފައެވެ. އެއީ އެފްއޭކަޕާ، ޕްރިމިއަރ ލީގު އަދި އޭރު ކުޅޭ މާލޭ ލީގުގެ އިތުރުން ޗެރިޓީ ޝީލްޑެވެ. އޮސްކާ ރާއްޖޭގައި ހޭދަކުރި އަހަރުގެ އެންމެ މޮޅު ކޯޗުގެ މަގާމުވެސް އޭނާވަނީ ހޯދާފައެވެ.
އޮސްކާގެ އިރުޝާދުގެ ދަށުން ކުޅޭ ބަޝަންދުރާ ކިންގްސްވަނީ އޭއެފްސީ ޗެމްޕިއަންސް ލީގުގެ ޕްލޭ އޮފުން ފުރުސަތު ހޯދާފައެވެ.
