Advertisement

ރޮނާލްޑޯއާ އެމްބާޕޭ މި ދެ ކުޅުންތެރިން ހުކުރު ދުވަހު ބައްދަލުކުރާއިރު، ޕޯޗުގަލްގެ ފަސް ފަހަރު ބެލޮންޑިއޯ ހާސިލްކޮށްފައިވާ ރޮނާލްޑޯއާ  ކުރިމަތިލުމަކީ "އުފަލެއް" ކަމަށް އެމްބާޕޭ ސިފަކުރެ އެވެ. އެމްބާޕޭ ބުނީ ޕޯޗުގަލްގެ ލެޖެންޑަކީ "ޔުނިކް" މީހެއް ކަމަށެވެ.

އުމުރުން 39 އަހަރުގެ ރޮނާލްޑޯ މި ހަފްތާގައި ބުނީ މިއީ އޭނާގެ އެންމެ ފަހު ޔޫރޯ ކަމަށް ވާތީ އެމްބާޕޭއާ އެކު މި ޝޯޑައުން ސިފަ ކުރަމުން އަންނަނީ މޮޅު ދެ ކުޅުންތެރިންގެ މެދުގައި "ހެންޑްއޮވަރ" އެއްގެ ގޮތުގަ އެވެ. އުމުރުން 25 އަހަރުގެ، ފްރާންސްގެ އެމްބާޕޭވަނީ، ރޮނާލްޑޯ ޖެހިޖެހިގެން ހަތަރު ޗެމްޕިއަންސް ލީގު ކާމިޔާބުކުރި ރެއާލް މެޑްރިޑަށް ސޮއިކޮށްފައެވެ. 

ޕޯޗުގަލްއާ، ފްރާންސް ކުއާޓާ ފައިނަލްގައި ކުޅޭ މެޗު ފެށޭނީ މިރޭ ރާއްޖޭ ގަޑިން ރޭގަނޑު 12 ޖަހާއިރުއެވެ.