ނިޔާޒު މިހެން ވިދާޅުވީ ދައުލަތުގެ މީޑިއާއިން ގެނެސްދިން ޕްރޮގްރާމެއްގައި، ދަތުރުވެރިންނާއި އަމިއްލަ ފަރާތަތަކުން ގެންނަ ތަކެތިން ޑިއުޓީ މައާފްކުރުމުގެ އުސޫލާ ގުޅޭގޮތުން ވާހަކަ ދައްކަވަމުން ނެވެ.
ނިޔާޒު ވިދާޅުވީ ސިއްހީ ދާއިރާއިން ބަލާއިރު އެނާޖީ ޑްރިންކްއަކީވެސް ވަަރށްބޮޑަށް ސިއްހަތަށް ނޭދެވޭ އަސަރުތައް ކުރާ އެއްޗެއްކަމުން އެނާޖީ ޑްރިންކްއަކަށް އިނާޔަތް ނުލިބޭގޮތަށް މިހާރު ހަމަަޖައްސާފައިވާކަމަށެވެ. އަދި އުސޫލާސް ގެނެވުނު އާ ބަދަލާއެކު އެގޮތަށް އަމަލުކުރަން ފަށާނީ 1 އޮގަސްޓުން ފެށިގެންކަމަށް ނިޔާޒު ވިދާޅުވިއެވެ.
އެނާޖީ ޑްރިންކް ތަކުގެ އިތުރުން ދުންފަތުގެ ބާވަތަތައް، ދުންފަތު ސިނގެރޭޓު އަދި ވޭޕް ކުރަން ބޭނުން ކުރާ ސާމާނު ފަދަ ތަކެއްޗަށްވެސް 1 އޮގަސްޓުން ފެށިގެން އެލަވަންސް ދިނުން ހުއްޓާލަން ނިންމާފައިވާކަމަށް ނިޔާޒު ވިދާޅުވިއެވެ. އެގޮތުން މިތަކެއްޗަށް އެކަވަންސް ދިނުން ހުއްޓާލުމުގެ މުހިއްމު ސަބަބުތަކެއް ހުރިކަންވެސް ނިޔޒު ފާހަގަކުރެއްވި އެވެ.
ދުންފަތުގެ އެންމެ ފޮށްޓެއް ގެނައި ކަމުގައިވިޔަސްވެސް ޑިއުޓީ ނެގިގެންދާނެ ކަަމަށް ނިޔާޒު ވިދާޅުވި އެވެ. މީގެއިތުރުން ތިމާވެށި ހިމާޔަަތްކުރުމާއި އެކަންކަމުގައި އިތުރަށް ހިތްވަރުދިނުމުގެ ގޮތުން ޕްލާސްޓިކް ކޮތަޅާ، ސިންގަލް ޔޫސް ޕަލާސްޓިކް ގޮތުގައި މިހާރު ހުރި ހުރިހާ އައިޓަމްތަކަކަށް ވެސް އެލަވަންސްއެއް ނުދެވޭނެކަމަށް ނިޔާޒު ވިދާޅުވި އެވެ.
ނިޔާޒު ވަނީ ކުރީގައި އެލަވަންސް އެންމެ ބޮަޑަށް ބޭނުން ކުރަމުން ދިޔަ އެއްދާއިރާ އަކީ އެއްގަމު އުޅަނދުފަހަރުކަމަށް ފާހަގަކުރައްވާފައެވެ. އެއްގަމު އުޅަނދު،ސައިކަލު، އަދި މުދަލާއެކު ހުންނަ އުޅަނދު ފަހަރަށްވެސް އިނާޔަތް ލިބިގެނެއް ނުދާނެގޮތަށް މި ޖުލައި މަހުގެ 1 ވަނަ ދުވަހުން ފެށިގެން އުސޫލަށް ބަދަލުގެނެސްފައިވާކަމަށް ނިޔާޒު ވިދާޅުވިއެވެ.
މީގެއިތުރުން ނުރަނގަޅު ގޮތުގައި ދޭ އެލަވަންސް ކަސްޓަމްސް އިން ފާހަގަކުރެވޭ ފަރާތްތަކަށްވެސް އެ އެލަވަންސް ލިބިގެންނުދާނެކަމަށް ނިޒާޒު ވިދާޅުވި އެވެ.
