ސެމީ ފައިނަލްގެ ފަހު ޖާގަ ހޮލެންޑުން ހޯދީ، ކުއާޓާ ފައިނަލްގެ ފަހު މެޗުގައި ތުރުކީ ބަލިކޮށްގެނެވެ. ތުރުކީން ލަނޑެއް ޖަހައި ކުރި ހޯދާފައިވަނިކޮށް ހޮލެންޑުންވަނީ ދެ ލަނޑު ޖަހައި މެޗުގެ ނަތީޖާ ބަދަލުކޮށްލާފައެވެ. ސެމީގައި ހޮލެންޑުން ކުޅޭނީ އިނގިރޭސިންނާއެވެ.
މިއީ 1988 ވަނަ އަހަރު ޔޫރޯގެ ތަށި ހޯދި ނެދަލެންޑްސް 20 އަހަރު ތެރޭގައި ޔޫރޯގެ ސެމީގައި ކުޅޭނެ ފުރަތަމަ ފަހަރެވެ. ނެދަލެންޑްސް އެންމެ ފަހުން ސެމީގައި ކުޅެފައިވަނީ 2004 ވަނަ އަހަރު އެވެ. ސެމީގައި އެ ފަހަރު ނެދަލެންޑްސް ކެޓީ ޕޯޗުގަލް އަތުންނެވެ.
ރޭގެ ކުއާޓާ ފައިނަލްގައި ތުރުކީން ލަނޑު ޖެހީ ޑިފެންޑަރު ސަމިތު އަކައިދިން އެވެ. ތުރުކީން އެއްވަރު ކުރީ ދެވަނަ ހާފުގައި ސްޓެފަން ޑި ވްރައި ޖެހި ގޯލުންނެވެ. އަދި ހޮލެންޑް މޮޅުވި ލަނޑު ޖެހީ ގަކްޕޯއެވެ. މިއީ ގަކްޕޯ، މި ފަހަރުގެ ޔޫރޯގައި ޖެހި ހަތަރު ވަނަ ލަނޑެވެ.
