ސީއެޗްއެސްސީން ބުނީ އެ ސްކޫލްގައި އާ ނަމާދުގެ ގާއިމްކުރީ އިސްލާމިކް މިނިސްޓްރީގެ އެހީގައި ކަމަށެވެ ސީއެޗްއެސްސީގެ ފޭސްބުކް ޕޯސްޓް މެދުވެރިކޮށް އެ ސްކޫލުން ވަނީ އެތަން ރަސްމީކޮށް އިފްތިތާހުކޮށްދެއްވި ކަމަށްޓަކައި އެޑިއުކޭޝަން މިނިސްޓަަރަށް ޝުކުރު ދަންނަވާފަ އެވެ.
މީގެއިތުރުން ސީއެޗްއެސްސިން ވަނީ ނަމާދުކުރުމަށް އެފަދަ ފުރިހަމަ ތަނެއް ތައްޔާރުކޮށް ދެއްވި ކަމައްޓަކައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދަށާއި އެވުޒާރާގެ އެންމެހާ މުވައްޒަފުންނަށްވެސް ވަރަށް ބޮޑަށް ޝުކުރު އަދާކޮށްފަ އެވެ.
މީގެ އިތުރުން މިނިސްޓަރު ޝަހީމްގެ ފޭސްބުކް ގައި ވިދާޅުވީ ސީއެޗްއެސްސީގައި ގާއިމްކުރި ނަމާދުކުރާ ތަނުގައި ވުލޫކުރުމުގެ އިންތިޒާމްވެސް ހަަޖަޖެހިފައި ހުންނާނެކަމަށެވެ.
މާލެ އަދި އަތޮޅުތަކުގެ ބައެއް ސްކޫލުތަކުގައި ނަމާދުކުރަން ހާއްސަ ކޮޓަރިއެއް ނޫނީ ތަނެއް މިހާރު ވެސް ހުންނަ އިރު އަނެއްބައި ސްކޫލްތަކުގެ ނަމާދު ކުރަނީ ކްލާސްރޫމްގައި އެވެ.
މިހާރު 1100 އަށް ވުރެ ގިނަ ކުދިން ކިޔަވާ ސީއެޗްއެސްސީގެ އާ އިމާރާތް، ހުޅުމާލޭގައި ހަދައި، ކިޔަވައިދޭން ފަށާފައި ވަނީ މިދިޔަ އަހަރުގެ މެދުތެރޭގަ އެވެ. އަދި މާލެގައި އަލުން ސީއެޗްއެސްސީގެ ކުރީ އިމާރާތުގައި އަލުން ކިޔަވައި ދިނުމަށް ސަރުކާރުން އަންނަނީ ތައްޔާރު ވަމުން ނެވެ.
