މިނިސްޓަރު މިހެން ވިދާޅުވެފައި މިވަނީ އައިޔޫއެމްއަށް 45 އަހަރު ފުރުމުގެ މުނާސަބަތާއި ދިމާކޮށެވެ.
އައިޔޫއެމްއަށް 45 އަހަރު ފުރުމުގެ ހަފްލާގައި ވާހަކަ ދައްކަވަމުން ރައީސް ޑރ. މުހައްމަދު މުއިއްޒުގެ މެނިފެސްޓޯގެ ދަށުން އިސްލާމިކް ޔުނިވާރސިޓީ އިތުރަށް ފުޅާކޮށް ތަރައްޤީ ކުރުމަށް ވަރަށް ބޮޑަށް އިސްކަންދެއްވާކަމަށެވެ.
މިނިސްޓަރު ޝަހީމްް އެކްސްގައި ކުރެއްވި ޕޯސްޓެއްގައި ވިދާޅުވީ ސްލާމީ ޔުނިވަރސިޓީ ހިންގުމަށް އެކަށީގެންވާ އާ އިމާރާތެއް އެޅުމަކީ ރައީސް ޑރ މުއިއްޒުގެ ސަރުކާރުގެ އަމާޒެއްކަމަށެވެ. އަދި މިކަމަށްޓަކައި 35 ހާސް އަކަފޫޓްގެ ބިމެއް މިހާރު ވަނީ ހުޅުމާލެއިން ހަމަޖައްސަވާފައިވާކަމަށް ޑރ. ޝަހީމް ވިދާޅުވިއެވެ.
އައިޔޫއެމްއަށް އޮތީ ވަރަށް އުޖާލާ މުސްތަޤްބަލެއްކަމަށާއި އެންމެ އުއްމީދު ކުރާ ދުވަހަކީ އައިޔޫއެމްއަކީ ބައިނަލްއަޤްވާމީ ގޮތުން ފާހަގަކޮށްލެވޭ އިސްލާމިކް ޔުނިވާސިޓީއަކަށް ވެގެންދާ ދުވަސްކަމަށްވެސް ޑރ. ޝަހީމް ވިދާޅުވިއެވެ.
އިސްލާމީ އިލްމު އުނގެނެން ބޭނުންވާ ދަރިވަރުން މާލެ ނައިސް ކިޔެވޭނެ ގޮތް ހެދުމަށް ރާއްޖޭގެ އެކި ހިސާބުގައި އައިޔޫއެމްގެ ކެމްޕަސް ހަދަން ވަނީ ނިންމާފައެވެ. އައިޔޫއެމްގެ ކެމްޕަސް ހިންގުމަށް ރ. އުނގޫފާރުގައި ހުރި އިސްލާމީ މަރުކަޒު އެ ޔުނިވާސިޓީ އާ ވަނީ ހަވާލުކޮށްފައެވެ. މީގެއިތުރުން ތިނަދޫ ސިޓީ އިސްލާމީ މަރުކަޒު، އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް) ގެ ކޭމްޕަހަކަށް ބަދަލު ކުރަން ވެސް ވަނީ ނިންމާފައެވެ.
