އެ ސަރަހައްދުގައި ހަތިޔާރާއެކު ސިފައިން ދަނީ ހަރަކާތްތެރިވަމުންނެވެ. އެއްޗެއް ގޮވާފައިވަނީ ރެހެންދި ހިނގުމުގައި އޮތް ޕްރައިވެޓް ވޭނެއްގައެވެ.
އެއްޗެއް ގޮވިކަމަށް ބުނާ ވޭން. ފޮޓޯ: އަދަދު
މި ހާދިސާ ހިނގާފައިވަނީ މިއަދު މެންދުރު 13:00 ކަންހާއިރުއެވެ. އަދި އެ އެއްޗެއް ގޮވުމުން އެ ސަރަހަދަށް ސިފައިން އައިސް ގިނަ އަދަދެއްގެ ސިފައިން އެ ސަރަހައްދުގައި ދަނީ ހަރަކާތްތެރިވަމުންނެވެ.
ފުލުހުން ބުނީ މި ވޭންގައި ބާރު ގަދަ އަޑެއް ގޮވައިގެން ފުލުހުންވެސް އެ ސަރަހައްދުގައި ހަރަކާތްތެރިވަމުން އަންނަކަމަށެވެ. އަދި މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަމަށް ފުލުހުން ބުނެއެވެ.
އެމްއެންޑީއެފުން ބުނީ މިފަދަ ކަންކަމުގައި އަމަލުކުރަމުން އަންނަ ޕްރިޮސީޖާއާ އެއްގޮތަށް ކަންކަން ކުރަމުން އަންނަކަމަށެވެ. އަދި މި ހާދިސާގައި އެ ވޭނަށްވެސް އެއްވެސް ގެއްލުމެއް ލިބިފައިވާކަމުގެ ރިޕޯޓެއް ލިބިފައި ނުވާކަމަށެވެ.
