ޔޫތް މިނިސްޓްރީން ބުނީ އީޔޫ ޔޫތު އެމްޕަވަމަންޓް ފަންޑަށް ގްރާންޓް އެޕްލިކޭޝަން ހުޅުވާލާފައިވާއިރު އެ ފުރުސަތަކީ ޔޫރަޕިއަން ޔޫނިއަން އާއި ބިގް ސިކްސް ޔޫތު އޮގަނައިޒޭޝަން ގުޅިގެން ކުރިއަށް ގެންދާ ޕާޓްނަޝިޕެއްގެ ބައެއްކަމަށެވެ.
ޔޫތް މިނިސްޓްރީން ބުނީ އެ ގްރާންޓްގެ މައިގަނޑު މަގްސަދަކީ ޒުވާނުން ބާރުވެރިކޮށްދީ، ދެމެހެއްޓެނިވި ތަރައްގީގެ ލަނޑުދަނޑިތަކާ އެއްގޮތްވާ ގޮތުގެ މަތިން އިނޮވޭޓިވް ލޯކަލް ޕްރޮޖެކްޓްތަކަށް ފައިސާ ދީގެން އެމީހުންގެ މުޖުތަމައުތަކަށް ހެޔޮ ބަދަލުތަކެއް ގެނެސްދިނުންކަމަށެވެ.
ޔޫތް މިނިސްޓްރީން އެ ފަންޑަށް އެޕްލައި ކުރެވޭނެ ފަރާތްތަކާއި ފޯކަސް ކުރެވޭނެ ދާއިރާަތައް ހާމަކޮށްފައިވެއެވެ.
އެޕްލައި ކުރެވޭނީ:
• 14-30 އަހަރުގެ ޒުވާނުން.
• ނުރަސްމީ ގްރޫޕްތައް
• ރަޖިސްޓްރީކޮށްފައިވާ ޒުވާނުންގެ ޖަމިއްޔާތައް
ފޯކަސް ކުރާ ދާއިރާތައް:
• އެސްޑީޖީތަކާ އެއްގޮތަށް ދުނިޔޭގެ ގޮންޖެހުންތަކަށް ހައްލެއް ހޯދައިދޭ މަޝްރޫއުތައް
• މުޖުތަމައުގެ ތެރޭގައި އަޑުއުފުލުމުގެ ފުރުސަތު ލިބިފައިނުވާ ގްރޫޕުތަކާއި، ޖެންޑާ ނުވަތަ ނުކުޅެދުންތެރިކަން ހުންނަ ފަރާތްތައް ހިމެނޭ ގޮތަށް ތަފާތު ފަންތީގެ ފަރާތްތަކާއި ތަމްސީލު ނުކުރެވޭ ގްރޫޕްތަކުން ކުރިމަތިލާ ފަރާތްތައް.
ޖޫން 27 އިން ޖުލައި 21 އަށް އެޕްލިކޭޝަން ހުޅުވާލާއިރު، ފޯމްތައް ވެބްސައިޓް މެދުވެރިކޮށް އިނގެރޭސި، އަރަބި، ފްރެންޗް އަދި ސްޕެނިޝް ބަހުން ލިބެން ހުންނާނެކަމަށް ޔޫތް މިނިސްޓްރީން ބުނެއެވެ.
