ހައްޖުގެ އަޅުކަމަށް ފަހު، ރާއްޖެ އައި މީހުންނަށް ހާއްސަކޮށްގެން ހުޅުވި ފްލޫ ކްލިނިކުން ހިދުމަތް ހޯދާ މީހުންގެ އަދަދު މަދުވެފައިވާތީ އެ ކްލިނިކް ބަންދުކޮށްފައިވާ ކަމަށް އައިޖީއެމްއެޗުން ބުނެފި އެވެ.
Advertisement
އައިޖީއެމްއެޗުން ބުނީ ހައްޖުން އެނބުރި އަންނަ ފަރާތްތަކަށް ހާއްސަކޮށް ހުޅުވި ފްލޫ ކްލިނިކްގެ ހިދުމަތް ހޯދާ ފަރާތްތަކުގެ އަދަދު މަދުވެފައިވާތީ މިއަދުން ފެށިގެން އެ ކްލިނިކްގެ ހިދުމަތް ހުއްޓާލާފައިވާ ކަމަށެވެ.
އަދި ހޮސްޕިޓަލުން ހިދުމަތް ހޯދާ ފަރާތްތަކުން ރޯގާގެ އެއްވެސް އަލާމާތެއް ހުރެއްޖެނަމަ މާސްކު އަޅައިގެން އައުމަށް ވަނީ އެދިފަ އެވެ.
ރާއްޖެއިން މި އަހަރު 1150 މީހުން ހައްޖަށް ދިޔަ އެވެ. އެ އެންމެން މިހާރު ވަނީ އެނބުރި އައިސްފަ އެވެ.
ހައްޖާޖީން ރާއްޖެ އަންނަ މި ދުވަސްވަރަކީ ބަލިތައް ފެތުރޭ ދުވަސްވަރަކަށް ވުމުން ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ އިތުރުން ކަމާ ގުޅުންހުރި އިދާރާތަކުން ވަނީ ފެތުރެމުން އަންނަ އާންމު ބަލިތަކުން ރައްކާތެރި ވުމަށް ފިޔަވަޅުތައް އެޅުމަށް އާންމުންނަށް އިލްތިމާސްކޮށްފަ އެވެ.
