ރިއާލްގެ ކުޅުންތެރިއެއްގެ ގޮތުގައި އެމްބާޕޭ ދައްކާލުން އޮންނާޏީ އަންގާރަ ދުވަހު، ރިއާލްގެ ރަސްމީ ދަނޑު، ސަންޓިއާގޯ ބެރްނާބޭއު ސްޓޭޑިއަމްގައެވެ. ރިޕޯޓްތައް ބުނާ ގޮތުން އެމްބާޕޭ ރިއާލްގައި ބޭނުންކުރާނީ ނުވަ ނަންބަރު ޖޯޒީއެވެ. ރިއާލް އަށް އެމްބާޕޭ ކުޅޭ ރަސްމީ ފުރަތަމަ މެޗަށް ވެގެންދާނީ އަންނަ ސީޒަންގައި ރެއާލް މަޔޯކާއާ ދެކޮޅަށް ލަލީގާގައި ކުޅޭ މެޗެވެ.
އެމްބާޕޭ ރެއާލްއާ ގުޅެނީ ފްރީ އޭޖެންޓެއްގެ ގޮތުގައެވެ. ރިޕޯޓްކޮށްފައިވާ އެމްބާޕޭގެ އަހަރީ މުސާރައަކީ 15 މިލިއަން ޔޫރޯ (16.2 މިލިއަން ޑޮލަރު) އެވެ. އަދި 100 މިލިއަން ޔޫރޯއަށް ވުރެ ބޮޑު ބޯނަސްއެއް ސައިނިންގ ފީގެ ގޮތުގައި އޭނާއަށް ލިބޭނެއެވެ
މެޑްރިޑަށް ދިރިއުޅުން ބަދަލު ކުރުމަށް، އެމްބާޕޭ މިހާރުވަނީ މެޑްރިޑުން އަގުބޮޑު ގެއެއް ގަނެފައެވެ. މީޑިއާ ރިޕޯޓްތައް ބުނާ ގޮތުން މެޑްރިޑްގެ އެންމެ އަގުބޮޑު ސަރަހައްދުން އެމްބާޕޭ ގަތް ގޭގެ އަގު 15 މިލިއަން ޕައުންޑަށްވުރެ ބޮޑުވާނެއެވެ.
ރިއާލް މެޑްރިޑަށް ކުޅުމުގެ ފުރުސަތު ލިބުމަކީ، ގިނަ ދުވަސްތަކެއް ވަންދެން އިންތިޒާރު ކުރަމުން "ހުވަފެނެއް ހަގީގަތަކަށް" ވުންކަމަށް ފްރާންސްގެ ފޯވާޑް ކިލިއަން އެމްބާޕޭވަނީ ބުނެފައެވެ.
