![](https://cnm.mv/media/images/56hhhghgghgs.jpg)
ރަމީޒު ނިޔާވީ މިއަދު ހަވީރު މާރަންދޫ ގައި ފުޓްބޯޅަ ކުޅެން ހުއްޓާ އުނދަގޫތަކެއް ވާތީ ފަރުވާއަށް އެ އަތޮޅު ވެރިރަށް -- ދިއްދޫއަށް ގެންގޮސް ފަރުވާ ދެނިކޮށެވެ.
މާރަންދޫން "ސީއެންއެމް" އަށް މައުލޫމާތު ދިން މީހަކު ބުނީ ރަމީޒު ނިޔާވީ، ހަވީރު އެ ރަށުގައި އޮތް ފުޓުބޯޅަ މެޗެއްގައި ކުޅުމަށް ފަހު ހާލު ދެރެވެގެން ގޮސް އެ އަތޮޅު ދިއްދޫ ހޮސްޕިޓަލުގައި ފަރުވާ ދެމުން ދަނިކޮށް ކަމަށެވެ.
އޭނާ ބުނީ ރަމީޒު ކުޅެން ހުރެފައި ވަކި ހިސާބަކުން މާ ބޮޑަށް ވަރުބަލިވާތީ ކަމަށް ބުނެ، ދަނޑުން ފައިބާ ބެންޗުގައި ވެސް ވަގުތުކޮޅަކު އިންކަމަށެވެ.
މީހުންނާ ވަރަށް ގުޅޭ އެކުވެރި މިޖާޒެއްގެ ރަމީޒަކީ އަތޮޅުގެ ގިނަ ބަޔަކާ ވެސް ގުޅުން އޮންނަ މީހެކެވެ. މާރަންދޫގެ އިޖްތިމާއީ ތަރައްގީ ކަންކަމުގައި ވަރަށް އިސްނަގާ ހަރަކާތްތެރިވި މީހެކެވެ.
ރަމީޒަކީ މާރަންދޫ ކައުންސިލްގައި އެމްޑީޕީ ތަމްސީލު ކުރައްވަމުން ގެންދެވި މެންބަރެކެވެ. އުމުރުން 40 އަހަރާ ގާތްވެފައިވަނިކޮށް އޭނާ ނިޔާވިވިއިރު، އަތްބަކާއި ތިން ކުދިން ހުރެ އެވެ.