މިކަމާ ގުޅިގެން ބަންޑާރަ ނައިބުގެ އޮފީހުން ނެރުނު ބަޔާނެއްގައި ބުނީ، މި މަހުގެ ތިން ވަނަ ދުވަހު އައިސީޖޭއިން އެ ގޮތަށް ނިންމާފައި ވަނީ ފަނޑިޔާރުންގެ އިއްތިފާގުން ކަމަށެވެ.
އެގޮތުން، ގަތުލު އާންމުންގެ ކުށް ހުއްޓުވުމާއި އަދަބު ދިނުމާ ގުޅޭ މުއާހަދާގެ މާއްދާތައް މާނަ ކުރުމާ ގުޅޭގޮތުން ރާއްޖޭގެ ޑެކްލަރޭޝަން އޮފް އިންޓަވެންޝަންގައި ހުރި ކަންކަަމަކީ އެ ކޯޓަށް ބެލޭނެ ކަންކަން ކަމަށް ނިންމާފައިވާ ކަމަށް އެ ބަޔާނުގައި ބުނެފައިވެ އެވެ.
އިތުރަށް އެ އޮފީހުން ބުނީ، އެ ކޯޓުން މި ފަދައިން ނިންމީ ރާއްޖޭގެ އިންޓަވެންޝަން ބަލައިގަތުމާ މެދު މިޔަންމާއިން އިއުތިރާޒެއް ހުށަހަޅާފައި ވަނިކޮށް ކަމަށެވެ.
މި މައްސަލައަކީ މިޔަންމާގައި ރޮހިންޖާ މުސްލިމުންނާ ދެކޮޅަށް ހިންގަމުންދާ އަނިޔާވެރި ލާއިންސާނީ އަމަލުތަކާ ގުޅިގެން ގެމްބިއާއިން އެ ޤައުމާ ދެކޮޅަށް 11 ނޮވެމްބަރު 2019ގައި އައިސީޖޭއަށް ހުށަހަޅާފައިވާ މައްސަލައެކެވެ.
