އެ ކޮމެޓީގެ މުގައްރިރު ރައްޔިތުން މަޖލީހުގެ ބާރަށު ދާއިރާގެ މެމްބަރު ޝުޖާއު ވިދާޅުވީ އޭސީސީގެ މެމްބަރުން ރައްޔިތުންގެ މަޖިލީހުގެ ކޮމިޓީއަށް މިއަދު ހާޒިރުވެ ޖަވާބުދާރީ ވާނެކަމަށެވެ. އަދި މިއަދު 12:30ގައި އޮންނަ މި ކޮމެޓީގެ ބައްދަލުވުން މީޑިއާއިން ލައިވްކުރާނެކަމަށްވެސް ޝުޖާއު ވިދާޅުވިއެެވެ.
އޭސީސީ ގެ މެމްބަރުން ކޮމެޓީއަށްް ހާޒިރުކުރަނީ ސަރުކާރު ހިއްސާވާ ކުންފުނިތަކުގެ މައްސަލަތައް ބެލުމަށާއި އެ ކުންފުނިތައް ހަރުދަނާ ކުރަން ކުރެވޭނެ ކަންތައްތަކާއި ގުޅޭ ގޮތުން މަޝްވަރާކުރުމަށެވެ.
އޭސީސީގެ މެމްބަރުން މަޖިލީހުގެ ކޮމެޓީއަށް މި ހާޒިރުކުރަނީ ކުރީ ސަރުކާރުގެ ބައެއް ވެރިންގެ މައްސަލަތައް ބަލާ އަދަބު ދޭން ސަރުކާރަށް ނިސްބަތްވާ މަޖިލީހުގެ މެމްބަރުން ގޮވާލަމުން އަންނަ ދަނޑިވަޅެއްގައެވެ.
ބައެއް ކުންފުނިތަކުން ގަވައިދާ ހިލާފަށް ކުރާކަންކަން އޭސީސީ ނުބަލާކަމަށް ބުނެ އެ ކޮމިޝަނަށް އަންނަނީ ފާޑުކިޔަމުންނެވެ.
