އޭޑީކޭ ހޮސްޕިޓަލްގެ ސީނިއާ ނިއުރޯސާޖަނެއްގެ ގޮތުގައި ހުންނެވި ޑރ. ނިޔާފް އޭޑީކޭއިން ވަކިވެޑައިގެންފައިމިވަނީ އެ ހޮސްޕިޓަލުގައި މަސައްކަތް ކުރައްވާތާ ނުވަ އަހަރާއި 10 މަހަށް ފަހުއެވެ.
ނިޔާފް، އޭޑީކޭއިން ވަކިވެވަޑައިގެން ސަބަބެއް އެ ހޮސްޕިޓަލަކުން ނުބުނެއެވެ.
ރާއްޖޭގެ ފުރަތަމަ ނިއުރޯސާޖަން ޑރ. އަލީ ނިޔާފު ވަނީ 2،000 އަށްވުރެ ގިނަ ނިއުރޯސާޖަރީ ކާމިޔާބުކަމާ އެކު ފުރިހަމަކުރައްވާފައިވެއެވެ. ނިޔާފުވަނީ އެމެރިކާ، ރަޝިއާ، އިންޑިއާ، ބްރެޒިލް، ނޭޕާލްގެ އިތުރުން އެހެން ބައެއް ގައުމުތަކަކުން ވެސް ތައުލީމާއި ތަމުރީނު ހާސިލުކުރައްވައިފައެވެ.
ޑރ. ނިޔާފް ދެން ބައްލަވާނީ މޯލްޑިވްސް ނިއުރޯ އެންޑޮކްރައިން މެޑިކަލް ފެސިލިޓީގައެވެ.
އެ ފެސިލިޓީން މީސްމީޑިއާގައި ކުރި ޕޯސްޓެއްގައި ބުނީ، މިއަދުން ފެށިގެން އެ ތަނުގައި ނިޔާފް ބަލިމީހުން ބައްލަވަމުން ގެންދަވާނެކަމަށާއި އެޕޮއިންޓްމަންޓު ހަދަން 7744515 ނަންބަރަށް ގުޅުމަށް ވަނީ އެދިފައެވެ.
