މޯލްޑިވްސް މަނިޓަރީ އޮތޯރިޓީގެ ގަވަރުނަރު އަލީ ހާޝިމް މަގާމުން ވަކިކުރުމަށް މާލިއްޔަތު ކޮމިޓީއިން ދިރާސާކޮށް ނިންމި ގޮތުގެ ރިޕޯޓަށް މިއަދު މަޖިލީހުގައި ބަހުސް ކުރައްވަމުން ޝުޖާއު ވިދާޅުވީ، އެމްއެމްއޭގެ ގަވަރުނަރު ހާޒިރުނުވީ މާލިއްޔަތު ކޮމިޓީއަށް އެކަނި ނޫން ކަމަށާއި އެމްއެމްއޭއަށް ވެސް ގަވަރުނަރު ހާޒިރު ނުވާ ކަމަށެވެ.
ޝުޖާއު ވިދާޅުވީ، ކޮވިޑްގެ ދުވަސްވަރު ރައްޔިތުން ގޭބަންދުކޮށްފައި ދައުލަތުން ވައްކަން ކުރަމުންދިޔަ ކަމަށާއި، ކޮވިޑްގެ ހާލަތުގައި ލިބުނު ހުރިހާ ފައިސާއެއް ވަގަށް ނެގުމުގެ ސަބަބުން ގައުމުގެ އިގްތިސާދު މިއަދު މިހާލަތަށް ވެއްޓިފައިވާ ކަމަށެވެ.
ޝުޖާއު އިތުރަށް ވިދާޅުވީ، ގަވަރުނަރުގެ ހިތުގައި އިހުލާސްތެރިކަން އޮތްނަމަ ޖަވާބުދާރީވާން މަޖިލީހަށް ވަޑައިގަންނަވާނެ ކަމަށެވެ.
އެމްއެމްއޭގެ ގަވަރުނަރު ހާޝިމް އެ މަގާމުން ވަކިކުރެއްވުމަށް، ރައީސް ޑރ. މުހައްމަދު މުއިއްޒަށް ރައްޔިތުން މަޖިލީހުން މަޝްވަރާދެއްވާފައިވާތީ، އެ މަގާމުން އަލީ ހާޝިމް މިއަދު ވަނީ ވަކިކުރައްވައިފަ އެވެ.
