މިނިސްޓަރ މިހެން ވިދާޅުވީ، މިއަދު ގއ. ކޮލަމާފުށީ ކައުންސިލާ ބައްދަލުކުރައްވައި ދެއްކެވި ވާހަކަފުގަ އެވެ.
މި ބައްދަލުކުރެއްވުމުގައި ކޮލަމާފުށީ ކައުންސިލުންވަނީ އެރަށު ޒުވާނުންނަށް ވަދު ކަދުފަތި ނޭޅި ލަސްވާތީ އެކަން އަވަސް ކޮށްދެއްވުމަށް އެދިލައްވާފަ އެވެ. އަދި އައިސްޕްލާންޓް މިވަގުތު އޮޕަރޭޝަންގައި ނެތުމުން މަސްވެރިންނަށް އުދަގޫވާކަމާއި އައިސް ޕްލާންޓް އެހެން ސަރަހައްދަކަށް ބަދަލުކުރުމަށް ބޭނުންވާކަމަށާއި، ބަދަރު ބޮޑުކުރަން އެކަން ކުރުމަކީ ވަރަށް އަވަހަށް ކުރަންޖެހޭކަމެއްކަން ފާހަގަކުރެއްވި އެވެ.
ކައުންސިލުން އިތުރަށް ފާހަގަކުރެއްވީ، އައިސް ޕްލާންޓުން މީގެ ކުރިން ފަރުމަސް ގަންނަމުން ދިޔަކަމަށާއި، މިފްކޯގެ ފިހާރައިގައި ވިއްކަމުން ދިޔަ ދިއުން ހުއްޓުމަކީ ފަރުމަސްވެރިންނަށް ގެއްލުންވިކަމެއް ކަމަށާއި، އެކަން އަލުން ފެށުމަށް މިފްކޯއާ މަޝްވަރާކޮށްދެއްވުމަށް އެދިފަ އެވެ.
ރާއްޖޭގައި މަސްވެރިކަމާ ބެހޭ ކޮލެޖެއް ހުޅުވައި އެތަނުން ކޯސްތަކެއް ކުރިއަށް ގެންދިއުމަކީ ރައީސް ޑރ. މުހައްމަދު މުއިއްޒުގެ ވައުދެކެވެ. ރައީސް މުއިއްޒު މިކަން އެންމެ ފުރަތަމަ އިއުލާންކުރެއްވީ މިދިޔަ އަހަރު ބޭއްވި މަސްވެރިންގެ ދުވަހުގެ ޖަލްސާ ގައެވެ.
