ކޮމެޓީން ފާސްކޮށްފައިވަނީ އެސްޑިއެފްސީން ދޫކުރި ލޯނުތަކާއި އެޗްޑީސީން ހުޅުމާލޭގެ ބިންތަކުން ހިލޭ ގޯތި ދޫކުރުމުން ލިބުނު ގެއްލުން ދެނެގަތުމަށް ހާއްސަ އޮޑިތެއް ހެދުމަށެވެ.
މި އޮޑިޓް ހެދުމަށް ހުށަހެޅުއްވީ ފުވައްމުލަކު އުތުރު ދާއިރާގެ މެންބަރު ހަމަދު އަބްދުاللهއެވެ. އޭނާ ހުށައެޅުއްވީ ހާއްސަ އޮޑިޓް ހެދުމަށް ނިންމީ 2019 ވަނަ އަހަރުގެ މާރިޗުން ފެށިގެން ފެށިގެން މި ސަރުކާރު ވެރިކަމާއި ހަވާލުވި ދުވަހާއި ހަމައަށެވެ.
މިއަދުގެ ކޮމެޓީގައި ނިންމާފއިވަނީ މި އޮޑިޓް ދެ މަސްދުވަހުގެ ތެރޭގައި ނިންމުމަށް އޮޑިޓާ ޖެނެރަަލަށް އެންގުމަށެވެ.
މިދިޔަ ސަރުކާރުން ހިންގި ބިންވެރިޔާ ސްކީމުގައި ހުޅުމާލެއިން 1351 ގޯތި ވަނީ ދީފައެވެ. އޭގެތެރެއިން 600 ވުރެ ގިނަ ގޯތި ވަނީ އޭގެ ވެރިފަރާތްތަކާއި ހަވާލުކޮށްފައެވެ. ހުޅުމާލެެއިން މި ގޯތިތައް ދޫކުރުމުގެ ސަބަބުން އެޗްޑީސީއަށް ލިބުނު ގެއްލުމުގެ ބަދަލުގައި އެ ކުންފުންޏަށް ދެ ފަޅެއް ދޭން އިކޮނޮމިކް ކައުންސިލުން ވަނީ ނިންމާފައެވެ.
ކުދި ފަންތިއާއި މެދު ފަންތީގެ ވިޔަފާރިތައް ކުރިއެރުމުގެ މަގުސަދުގައި އެސްޑީއެފްސީން އުފެއްދީ 2019 ވަނަ އަހަރުގެ މާރިޗުމަހުގެ 18 ވަނަދުވަހުއެވެ.
