މި އިންތިޚާބުގައި ވާދަކުރައްވަނީ ހައްދުންމަތީ އަތޮޅު ކައުންސިލްގެ ރައީސް އިސްމާއީލް އަލީއާއި، މިލަދުންމަޑުލު އުތުރުބުރީ އަތޮޅު ކައުންސިލްގެ ރައީސް މުޙައްމަދު ޝިޔާމެވެ.
މި އިންތިހާބުގައި ވޯޓުލާނީ އޮންލައިންކޮށެވެ.
މި އިންތިހާބުގެ އެއްވެސް ކަމަކާއި ގުޅިގެން ޝަކުވާ ހުށަހަޅަން ބޭނުންވާ ފަރާތްތަކަށް ޝަކުވާ ހުށަހަޅާނީ މި އިއުލާނާއެކު އެޓޭޗްކޮށްފައިވާ "ލޯކަލް ގަވަރމަންޓް އޮތޯރިޓީގެ ބޯޑަށް އަތޮޅު ކައުންސިލްގެ ރައީސުންގެ ތެރެއިން އިންތިޚާބުކުރަންޖެހޭ މެންބަރު ހޮވުމަށް ބާއްވާ އިންތިޚާބާއި ގުޅޭ ޝަކުވާ ހުށަހަޅާ ފޯމު" ފުރިހަމަ ކުރުމަށްފަހު [email protected] މެއިލް ކުރުމަށް އެލްޖީއޭއިން ވަނީ އެދިފައެވެ.
ޝަކުވާ ބަލައިގަތުމަށް ހަމަޖެހިފައިވަނީ، ވޯޓުނަގަން ފެށުނީއްސުރެ، ވޯޓުގެ ވަގުތީ ނަތީޖާ އިއުލާނު ކުރުމާ ހަމައަށެވެ.
ރަސްމީ ނަތީޖާ އިއުލާނުކުރުމަށް ހަމަޖެހިފައިވަނީ 26 ވަނަ ދުވަހުއެވެ.
