މި މައްސަލަ ހުށަހެޅުއްވީ ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލެވެ.
އޭނާ ހުށަހެޅުއްވި ކުއްލި މައްސަލައިގައި ވިދާޅުވީ އައްޑޫގެ ރައްޔިތުންނަށް އެންމެ އަސާސީ މިންވަރަށް ވެސް ކަރަންޓުގެ ހިދުމަތް ލިބެމުން ނުދާ ކަމަށާއި އެއީ ސަރުކާރުން އައްޑުއަށް ވަމުންދާ އިހުމާލެއް ކަމަށެވެ.
އެގޮތުން ފެނަކައިގެ އިސް ފަރާތްތައް އަދި މާލޭގައި ތިއްބެވި ބޭފުޅުންގެ އިހުމާލު ބޮޑުކަމަށް ފާހަގަކުރެވޭ ކަމަށް ނާޒިލް ވިދާޅުވިއެވެ.
ހަތް މަސް ދުވަސްވެގެން ދިޔައިރު އިންޖީނުތަކަށް ބޭނުންވާ ސްޕެއަރ އެންމެ ކުޑަމިނުން އިސްކުރެއްހައި ހިސާބު ވެސް ފޯރުކޮށްނުދެވި އޮތުމަކީ ހަގީގަތުގަ ވެސް މީގަ ބޮޑުތަނުން އިހުމާލުވެފައިވާ ކަމެއް ނާޒިލް ވިދާޅުވިއެވެ.
ނާޒިލް ވިދާޅުވީ އައްޑޫ ސިޓީގެ ކަރަންޓުގެ ހިދުމަތް އެންމެ އަސާސީ ފެންވަރަށް ފޯރުކޮށްދިނުމަށް ވެސް ސަރުކާރުން ނުކުޅެދިފައިވާތީ، ތަކުރާރުކޮށް ނިވިދިއްލޭ ބޮތްކެއް ހެން އެ ރަށްތަކުގެ ކަރަންޓު ކެނޑެމުންދާ ކަމަށެވެ.
އެގޮތުން ރައްޔިތުންނަށް އޭގެ ސަބަބުން ބޮޑެތި ދަތިތަކާ ކުރިމަތިލާން ޖެހިފައިވާ ކަމަށާއި ރަށުގެ ސްކޫލްތަކުންނާއި އޮފީސްތަކުންނާއި ފިހާރަތަކުން ރައްޔިތުންނަށް ދޭން ޖެހޭ ހިދުމަތް ފޯރުކޮށްނުދެވޭ ކަމަށް ނާޒިލް ވިދާޅުވި އެވެ.
މި މައްސަލަ މަޖިލީހުގެ މިއަދުގެ ޖަލްސާގައި ބަލައިގައިތީ ވޯޓުގައި ބައިވެރިވެވަަޑައިގެންނެވި 57 މެންބަރުންގެ އިއްތިފާގުންނެވެ.
