"އަޅުގަނޑުގެ ދޭހަ ފޮތް 2"ގެ ނަމުގައި ތައްޔާރުކޮށްފައިވާ މި ފޮތުގެ ލިޔުންތަކާއި ދޭހައިގެ ސުވާލުތައް ބައްޓަންކޮށްފައިވަނީ ސާނަވީ ދަރިވަރުންގެ މުޤައްރަރާ އެއްގޮތްވާ ގޮތަށެވެ. ދިވެހިބަހަށް ގިނަ ހިދުމަތްތަކެއްކޮށްދެއްވަމުން ގެންދަވާ އަލްއުސްތާޒް ހަސަން ޒަހީނު ލިޔުއްވި މިފޮތް ނެރެދެއްވީ ދިވެހިބަހުގެ އެކެޑަމީގެ ބަސް ކޮމިޓީގެ ރައީސް އަދި ފިނޭންސް މިނިސްޓްރީގެ ޕްލޭނިން އެޑްވައިޒަރު ހަމްދޫން ހަމީދެވެ.
މި ފޮތުގައި އެކުލެވިގެންވާ 20 ދޭހަ ބޮޑަށް އެކުލެވިގެންވަނީ ދީނާއި، ގައުމިއްޔަތާއި، ބަހާއި ސަގާފަތަށް ހިތްވަރުދޭ ލިއުންތަކުގެ މައްޗަށެވެ. މި ފޮތުގައި، ދޭހަތަކުގެ މަސައްކަތްކުރުމަށް ޖާގައަކާއި ޖަވާބުތައް ފަހަތުގައި ހިމަނާފައިވެއެވެ.
ޒަހީން މި ސިލްސިލާގެ ފުރަތަމަ ފޮތް ނެރެއްވީ 2013ގައެވެ. މީގެ އިތުރުން ވެސް ކުޑަކުދިންނަށް ޚާއްސަ އެކި ފޮތްތައް އޭނާ ލިޔުއްވާފައިވެ އެވެ.
"އަޅުގަނޑުގެ ދޭހަ ފޮތް 2" އެކި ބުކްޝޮޕްތަކުގައި މިހާރު ލިބެން ހުންނާނެ އެވެ. މި ފޮތުގެ އަގަކީ 150 ރުފިޔާ އެވެ. މި ފޮތުގެ އެންމެ ފުރަތަމަ ބައި ނެރެފައިވަނީ 2013 ވަނަ އަހަރު އޭރުގެ މުގައްރަރާ އެއްގޮތަށެވެ.
