އީސީ އިން އެކްސް ގައި ކުރި ޕޯސްޓެއްގައި ބުނީ އިއްޔެ ކަލާފާނު ސްކޫލުގައި ބޭއްވުނު ވޯކް އިން އިންޓަވިއުއަށް 100 އަށްވުރެ ގިނަ ފަރާތްތަކުން ފޯމު ހުށަހަޅާފައިވާ ކަމަށެވެ. ފޯމު ހުށަހެޅި ފަރާތްތަކުގެ ތެރޭގައި އެންމެ ގިނައީ 18 އަހަރާއި 25 އަހަރާ ދެމެދުގެ ޒުވާނުންކަމަށް ވެސް އީސީ އިން ބުނެ އެވެ. އަދި މިހާތަނަށް އެންމެ ގިނައިން ފޯމު ހުށަހަޅާފައިވަނީ އޮފިސަރުންނާއި ސީނިއާ އޮފިސަރުންގެ މަގާމުތަކަށް ކަމަށްވެސް އެ ކޮމިޝަނުން ހާމަކޮށްފައި ވެއެވެ.
އީސީގެ ވޯކް-އިން އިންޓަވިއުގެ ދެވަނަ ސެޝަން ހުޅުމާލެ 2 ގައި ހުންނަ ކާމިލް ދީދީ ޕްރައިމަރީ ސްކޫލުގައި މިއަދު އަންނަނީ ބާއްވަމުންނެވެ. ވޯކް-އިން އިންޓަވިއު މިރޭ 10:00 އާ ހަމައަށް ކުރިއަށް ގެންދާނެ އެވެ.
ވޯކް-އިން އިންޓަވިއުއަށް ދާއިރު އައިޑީ ކާޑާއި ތައުލީމީ ސެޓްފިކެޓް އަދި ސީވީގެ ކޮޕީ ގެންދިއުމަށް އީސީން ވަނީ އެދިފަ އެވެ. އަދި ޝަރުތު ހަމަވާ މީހުން ފޯމު ހުށަހެޅުމާއި ވަގުތުން އިންޓަވިއުކުރުމާއި ޕްރެކްޓިކަލް ޓެސްޓް ހެދުމުގެ އިންތިޒާމްތައް ވެސް ވަނީ ހަމަޖައްސައިފަ އެވެ.
ކައުންސިލް އިންތިހާބުގެ މަސައްކަތަށް 260 އަށް ވުރެ ގިނަ މުވައްޒަފުން ހޯދަން އީސީން ވަނީ އިއުލާންކޮށްފަ އެވެ.
މިއަދު ހުޅުމާލެ ފޭސް 2 ގައި ހުންނަ ކާމިލް ދީދީ ޕްރައިމަރީ ސްކޫލުގައި ވޯކް އިން އިންޓަވިއު ހަވީރު 4:00 އިން ރޭގަނޑު 10:00 އަށް ކުރިއަށްދާނެ ކަމަށް އިލެކްޝަންސް ކޮމިޝަނުން މައުލޫމާތު ދީފައިވެ އެވެ. އިންޓަވިއުއަށް ހާޒިރުވާއިރު އައިޑީ ކާޑު، ތައުލީމީ ސެޓްފިކެޓް އަދި ސީވީގެ ކޮޕީ ގެންނަން ޖެހޭނެ ކަމަށާއި، ޝަރުތު ހަމަވާ ފަރާތްތަކަށް ފޯމު ހުށަހެޅުމާއި ވަގުތުން އިންޓަވިއުކުރުމާއި ޕްރެކްޓިކަލް ޓެސްޓް ހެދުމުގެ އިންތިޒާމްތައްވެސް ހަމަޖެހިފައިވާ ކަމަށް ވެސް އެ ކޮމިޝަނުން ބުނެފައި ވެއެވެ.
ފާހަގަކުރެވޭ ގޮތުގައި، ކޮންމެ އިންތިޚާބަކާ ދިމާކޮށް ކޮމިޝަނުގެ މަސައްކަތަށް ބޭނުންވާ މުވައްޒަފުން ނެގުމުގެ މަސައްކަތް އީސީން ކުރެ އެވެ.
