ކުރީގެ ސަރުކާރުން ފެނަކައިން އަޅަން ފަށާފައިވާ އިންޖީނުގެއަކީ ކޮރަޕްޝަންގެ އަމަލެއްކަމަށްް އެ ކުންފުނީގެ މިހާރުގެ މެނޭޖިން ޑިރެކްޓަރު މުއާޒު މުހައްމަދު ރަޝީދު މިއަދު ވަނީ ވިދާޅުވެފައެވެ.
މުއާޒު މިހެން ވިދާޅުވެފައި މިވަނީ އައްޑޫ ސިޓީން ދޭތެެރެ ދޭތެރެއިން ކަރަންޓް ކެނޑޭތީ އެކަމާއި ގުޅިގެން މިއަދު އިދިކޮޅު އެމްޑީޕީން މަޖިލިހަށް ކުއްލި މައްސަލައެއް ހުށައަޅާ ބަހުސްކޮށްފައި ވަނިކޮށެވެ.
މިއަދުގެ ބަހުސްގެ މަރުހަލާގައި އިދިކޮޅު ބައެއް މެމްބަރުންވަނީ އައްޑޫގެ ކަރަންޓްގެ ހާލަތު ރަނގަޅުކުރަން މިދިޔަ ސަރުކާރުން އަޅަން ފެށި އިންޖީނުގޭގެ ބޮޑު ބައެއް ނިމިފައިވަނިކޮށް އެ މަސައްކަތް ހުއްޓާލާފައިވާކަމަށްް ބުނެ ސަރުކާރަށް ފާޑު ކިޔާފައެވެ.
މި ވާހަކަތަކަށްް ރައްދުދެއްވަމުން މުއާޒު އޭނާގެ އެފްބީގައި ކުރެއްވި ޕޯސްޓެެއްގައި ވަނީ އައްޑޫ އާ އިންޖީނުގެއައަކީވެސް ހިޔާނަތްކަމަށް ވިދާޅުވެފައެވެ. އެގޮތުން އެކަމަށްް މާކެޓް ރޭޓަށްވުރެ އިތުރަށް އެތައް މިލިއަނެއް ހޭދަކޮށްފައިވާކަމަށް މުއާޒު ވިދާޅުވިއެވެ.
އައްޑޫސިޓީގެ އިންޖީނުގެ މަސައްކަތަށް 99 މުވައްޒަފުން ނަގާފައިވާކަމަށްވެސް މުއާޒު ވިދާޅުވިއެވެ.
ފެނަކައިން ކުރީ ސަރުކާރުގައި އައްޑޫގައި އަލަން ފެށި އިމާރާތް
މުއާޒުގެ މިވާހަކަތައް އައްޑޫ ސިޓީގެ މޭޔަރު އަލީ ނިޒާރު ވަނީ ރައްދުދެއްވާފައެވެ. އަލީ ނިޒާރުވަނީ، އޭސީސީގައި ދައްކަންޖެހޭ ވާހަކަ ނުދައްކާ އައްޑޫ ސިޓީގެ ކަރަންޓްގެ މައްސަލަ ހައްލުކޮށްދިނުމަށް މުއާޒަށް ގޮވާލާފައެވެ. ގޮވާލާފައެވެ.
ފެނަކައިން ބުނީ އައްޑޫ ސިޓީގެ ކަރަންޓް ރަނގަޅުކުރަން 1.6 ކިލޯވޮޓްގެ ޖަނަރޭޓަރެއް ގެންދިޔުމުގެ މަސައްކަތް ކުރަމުން އަންނަކަމަށެވެ.
