ފަންބޮނޑި ކުންފުނީގެ ސީއޯއޯ ފާތިމަތު އާސިޔާ ''ސީއެންއެމް'' އަށް މިއަދު ދެއްވި ބަސްދީގަތުމެއްގައި ވިދާޅުވީ ދަނބިދޫގައި އެއީ ކުރިން އެހެން ބަޔަކު ހިންގަމުން ދިޔަ ނެޓްވޯކެއް ކަމަށާއި ކަސްޓަމަރ ބޭސްއާއެކީ ކުންފުނިން އެ ތަން ގަތީ ކަމަށެވެ. ގަތް ދުވަހުން ފެށިގެން ޚިދުމަތްދެމުންދާ ކަމަށާއި ހިދުމަތަކަށް ބުރުލެއް ނާރާނެ ކަމަށް ވެސް އޭނާ ވިދާޅުވި އެވެ.
އެތަނުން އިތުރު ހިދުމަތްތަކެއް ދިނުމަށް ވިސްނާފައިވާނެ ކަމަށާއި ނަމަވެސް މި ވަގުތު އުރީދޫގެ އިންޓަނެޓާއި މީޑިއާ ނެޓުގެ ޓީވީ ސަރވިސްގެ ހުރިހާ ޕެކޭޖުތަކާއެކީގައި ކަސްޓަމަރ ބޭސްތައް މިހާރު ލިބިގެންދާނެ ކަމަށް ވެސް އާސިޔާ ވިދާޅުވި އެވެ.
ފަންބޮނޑި ކުންފުނިން އަންނަނީ ރާއްޖޭގެ އެކިއެކި ރަށްރަށުގައި އެ ކުންފުނީގެ އޯޕަން އެކްސަސް ފައިބަރ ނެޓްވޯކް ގާއިމުކޮށް ޒަމާނީ ޓެކްނޮލޮޖީގެ ހިދުމަތްތަކެއް ފޯރުކޮށްދިނުމަށް ތައްޔާރުވަމުންނެވެ.
އޯޕަން އެކްސަސް އޯޕަން އެކްސަސް ނެޓްވޯކަކީ ޓެކްނޮލޮޖީގެ ޒަމާނީ ވަސީލަތްތައް ފޯރުކޮށްދިނުމަށް ދުނިޔޭގެ ކުރި އަރާފައިވާ ގައުމުތަކުގައި ވެސް ބޭނުން ކުރާ އިންފްރާސްޓްރެކްޗަރ ވިއުގައެކެވެ.
އެ ކުންފުނިން އެންމެ ފުރަތަމަ މިފަދަ ނެޓްވޯކެއް ގާއިމްކޮށްފައި ވަނީ ތ.އަތޮޅު ވިލުފުށީގަ އެވެ.
މިއަަހަރު ނިމޭއިރު ނުވަތަ އަންނަ އަހަރު އާ ހިދުމަތްތަކެއް ރާއްޖެއަށް ޓެސްޓްކުރަން ނިންމާފައިވާ ކަމަށް ވެސް އާސިޔާ ވިދާޅުވި އެވެ.
