Advertisement

ސާފިން އެސޯސިއޭޝަން އޮފް މޯލްޑިވްސް އިން ބޭއްވި "މުލީކޮޅު ރާޅުގަނޑު" ގެ ޗެމްޕިއަންކަން ސްމައިލީ ހޯދީ ފައިނަލުގައި ޔޫސުފް ކަޔާން ހަމްދާން ރަޝީދު ދެ ޕޮއިންޓްގެ ތަފާތުން ބަލިކޮށްގެންނެވެ. ފައިނަލް ހީޓު ސްމައިލީ ކާމިޔާބުކުރީ 13.00 ސްކޯ ކޮށްގެންނެވެ. 

ކަޔާން އަށް ލިބުނީ 11.00 ސްކޯ އެކެވެ. ފައިނަލް ހީޓުގައި ސްމައިލީ އެންމެ ރަނގަޅަށް އެޅީ ދެ ވަނަ އަދި ތިން ވަނަ ރާޅުގަ އެވެ. އޭނާގެ ދެ ވަނަ ރާޅުން ވަނީ 7.50 ސްކޯ ކޮށްފަ އެވެ. އަދި ތިން ވަނަ ރާޅުގައި ވަނީ 5.50 ސްކޯކޮށްފަ އެވެ.

މި މުބާރާތުގެ ޖޫނިއާ ކެޓަގަރީގެ ޗެމްޕިއަންކަން ހޯދީ މުހައްމަދު އިނާން އަބްދުލް ހަންނާން އެވެ. އޭނާ ފައިނަލް ކާމިޔާބުކުރީ ޔާސީން އަހުމަދު ނާޝިދު ބަލިކޮށްގެންނެވެ. ފައިނަލުގައި އިނާން ވަނީ 10.50 ސްކޯކޮށްފަ އެވެ. ޔާސީން އަށް ސްކޯކުރެވުނީ 7.67 އެވެ.