ފެނަކައިން ބުނީ ގދ. ތިނަދޫ ފެންޕްލާންޓަށް ދިމާވި ޓެކްނިކަލް މައްސަލަ ދިމާވެ ފެނުގެ ހިދުމަތް ކެނޑުނުކަމަށެވެ. އެހެންނަމަވެސް އެ މައްސަލަ ވަގުތީގޮތުން ހައްލުކޮށް، ޕްލާންޓް އޮޕަރޭޝަނަށް ގެނެވި ފެން އުފައްދަން ފަށާފައިވާކަމަށް ފެނަކައިން ބުނެއެވެ.
އެ ކުންފުނިން ބުނީ ފެން ޕްލާންޓަށްް ދިމާވި މައްސަލަ ދާއިމީކޮށް ހައްލުކުރުމުގެ މަސައްކަތް ޓެކްނިކަލް ޓީމުން ކުރަމުން އަންނަކަމަށާއި ތިނަދޫއިން ބައެއް ވަގުތުތަކުގައި ފެން ކެނޑުން އެކަށީގެންވާކަމަށްވެސް ފެނަކައިން ބުނެެއެވެ.
ތިނަދޫއަށް ފެނަކައިން ދެމުން އަންނަ ފެނުގެ ހިދުމަތަށްް ބުރޫއަރާފައިވާއިރު އެ ކުންފުނިން ކަރަންޓްގެ ހިދުމަތް ދެމުން އަންނަ ބައެއް ރަށްތަކުގައި ކަރަންޓްް ހިދުމަތަށްވެސް އަންނަނީ ބުރޫ އަރަމުންނެވެ. އެގޮތުން ބައެއް ރަށްތަކުން ޖަނަރޭޓަރުތަކަށް މައްސަލަޖެހި އެކި ވަގުތުތަކުގައި ކަރަންޓް ކަނޑަމުންވެސް ގެންދައެވެ.
ރަށްރަށް ދިމާވެފައިވާ ކަރަންޓްގެ މައްސަލަތައް ހަައްލުކުރުމަށް މިއަހަރުގެ މިހާތަނަށް 43 ޖަނެރޭޓަރު އަލަށް ގަނެ އިސްޓޯލްކޮށްފައިވާކަމަށް ފެނަކަ ކޯޕަރޭޝަނުން ވަނީ ބުނެފައެވެ.
