ޕީއެންސީގެ ޖަގަހަ ޖަލްސާގައި ނާޒިމް ވިދާޅުވީ، ސަރުކާރުން އިގްތިސާދީ ކަންކަން އިސްލާހުކުރުމަށް ފަށައިފައިވާ ޕްރޮގްރާމުގެ ދަށުން ކުރަންޖެހޭ ކަމަކީ އާމްދަނީ އިތުރުކޮށް، ހަރަދުތައް ކުޑަކުރުން ކަމަށެވެ.
ނާޒިމް ވިދާޅުވީ، ވޭތުވެދިޔަ އަށް މަސްދުވަސް ތެރޭގައި ސިވިލް ސާވިސްގަ އަދި އެހެން ތަނަކުންވެސް ވަޒީފާއިން މީހަކު ވަކިކޮށްފައި ނުވާނެ ކަމަށާއި އަދި އެއްވެސް އިނާޔަތެއް ވެސް ކަނޑާލާފައެއް ނުވާނެ ކަމަށެވެ.
ނާޒިމް ވިދާޅުވީ ރާއްޖޭގެ އިގްތިސާދީ ހާލަތު އޮތީ ކަންބޮޑުވާން ޖެހޭ ދަރަޖައަކަށް ގޮސްފައި ކަމަށާ ހުރިހާ ދާއިރާއަކުން ވެސް ފެންނަނީ އެ މަންޒަރު ކަމަށެވެ. މިސާލެއްގެ ގޮތުން ވިދާޅުވީ މިދިޔަ ސަރުކާރު ނިމުނުއިރު އާސަންދައިން އެކަނި ވެސް 1.1 ބިލިއަންގެ ބިލު ނުދައްކާ އޮތް އޮތުމެވެ. ނާޒިމް ވިދާޅުވީ މި ސަރުކާރުން މިހާތަނަށް 1.3 ބިލިއަން ރުފިޔާ އާސަންދައަށް އެކަނި ހަރަދުކޮށްފައިވާ ކަމަށެވެ.
އެހެންވެ، ދައުލަތުގެ އަންނަ އަހަރުގެ ބަޖެޓު މި އަހަރުގެ ނޮވެމްބަރު 1 ގައި ރައްޔިތުންގެ މަޖިލީހަށް ހުށަހެޅުމުން، ރައްޔިތުންނަށް ބޭނުންވާ ކަންކަމަށް ފައިސާ ހަމަޖެއްސުމަށް މަސައްކަތް ކުރައްވާނެ ކަމުގެ ޔަގީންކަން ނާޒިމް ދެއްވި އެވެ.
އެހެން ކަމުން ނާޒިމް އެދިވަޑައިގަތީ ރައްޔިތުން ސަރުކާރާއެކު ތިއްބެވުމަށެވެ. ޔަގީންކަން ދެއްވެވީ ރައްޔިތަކަށް ގެއްލުމެއް ލިބޭނެ އެއްވެސް ކަމެއް ރައީސް މުއިއްޒު ނުކުރައްވާނެ ކަމެވެ.
