މި ފިލްމަކީ އަންބެއްގެ ކެތްތެރިކަމާއި ރާއްޖޭގައި ގެވެށި އަނިޔާ ގޮސްފައި އޮތް ބިރުވެރި ހިސާބު ފެނިގެން ދާނެ ފިލްމެކެވެ.
"ކަމަނާ" ގެ މައިގަނޑު ކާސްޓްގައި އުޅެނީ މަރިޔަމް އައްޒަ އާއި ޔޫސުފް ޝަފީއު (ޔޫއްޕެ) ގެ އިތުރުން އައިމިނަތު ރަޝްފާ އެވެ. އިތުރު ކާސްޓުންގެ ތެރޭގައި މުހައްމަދު މަނިކު، އަހުމަދު ނިމާލު، މުހައްމަދް ރަޝީދު (ދަރާ) އަދި ނަތާޝާ ޖަލީލު ހިމެނެ އެވެ.
މި ފިލްމަކި ގެވެށި އަނިޔާގެ ޝިކާރައަކަށްވީ ޒުވާން އަންހެން ކުއްޖެއްގެ ހަޔާތް ދައްކުވައިދޭ ހަގީގީ ވާހަކައަކަށް ބިނާ ކޮށްފައިވާ ފިލްމެކެވެ.
ދިވެހި ފިލްމު ކަމަނާގެ ފުރަތަމަ ޕޯސްޓަރު
ފިލްމުގެ ފުރަތަމަ ޕޯސްޓަރުން ފެންނަ ގޮތުން ފިލްމުގެ ބަތަލާ އައްޒަ އިންނަނީ ބަލިވެ އެވެ. ބަނޑުގައި އަތްއަޅާލައިގެން ހުންނައިރު މޫނުގައި ވަނީ ޒަހަމުތަކެވެ. ލޮލުން ފެންނަނީ އަނިޔާގެ އަސަރެވެ.
"ކަމަނާ" އަކީ ޕްރޮޑިއުސަރު އަލީ ޝާނީޒްގެ ސެޓާން ސްޓޫޑިއޯ އާއި ހުސައިންގެ ކިޑް ޕްރޮޑަކްޝަން ގުޅިގެން ގެނެސްދޭ ފިލްމެކެވެ.
މި ފިލްމު އޮލިމްޕަހުގައި އެޅުވުމަށް ހަމަޖެހިފައިވަނީ އަންނަ މަހުގެ 27 ވަނަ ދުވަހުގެ ރެ އެވެ.
