ވަޖީހު މިހެން ވިދާޅުވީ ހއ އުލިގަމުގައި ޔޮޓް މެރީނާއެއް ހެދުމަށްް އެމްޕީއެލާއި އުލިގަމު ކައުންސިލާއި ދެެމެދު އެއްބަސްވުމުގައި ސޮއިކުރުމަށްް މިއަދު ބޭއްވި ރަސްމިއްޔަތުގައި ވާހަކަ ދައްކަވަމުންނެވެ.
ވަޖީހް ވިދާޅުވީ އިހަވަންދިއްޕޮޅުގައި ފެށުމަށް ހަމަޖެހިފައިވާ އިންޓަރނޭޝަނަލް ބަންކަރިން ސާވިސް އާއި މެރިޓައިމްގެ ހިދުމަތްތަކަށް ބޭނުންވާ އޮފީސް ހެދުމުގެ މަސައްކަތް އެ ކުންފުނިން ވަރަށް ބާރަށް ކުރަމުން އަންނަކަމަށެވެ. އަދި މި ހިދުމަތް ފެށުމުން އެތައް ވަޒީފާއެއް އުފެދޭނެކަަން ވަޖީހް ފާހަގަކުރެއްވިއެވެ.
އިހަވަންދިއްޕޮޅުގައި ބައިނަލް އަގްވާމީ ބަންކަރިން މަޝްރޫއެއް މިމަހުގެ 20 ވަނަ ދުވަހު ފަށާނެކަމަށް އިގްތިސާދާއި ބެހޭ ވަޒީރު މުހައްމަދު ސައީދު ވަނީ ވިދާޅުވެފައެވެ. ސައީދު ވިދާޅުވީ ރާއްޖޭގެ އުތުރުގެ ސަރަހައްދުން 300 އާއި 450 އާ ދެމެދުގެ އަދަދަކަށް ކޮމާޝަލް ބޯޓު ފަހަރު ދަތުރުކުރަމުންދާކަމަށާއި އޭގެތެރެއިން އެއް ޕަސެންޓަށްް ބަންކަރިން ހިދުމަތް ދިން ނަމަވެސް ފުރަތަމަ އަހަރުވެސް ރާއްޖެއަށް 400 މިލިއަން ޑޮލަރު ވަންނާނެކަމަށެވެ.
އިހަވަންދިއްޕޮޅުގައި ބައިނަލް އަގްވާމީ ބަންކަރިން މަޝްރޫއެއް ހިންގަން އެސްޓީއޯއިން ހަކަތައިގެ ވިޔަފާރިކުރާ ދުނިޔޭގެ އެންމެ ބޮޑު އަމިއްލަ ކުންފުނި، ވިޓޯލްއާ އެކު ޓާމް ޝީޓެއްގައި ސޮއިކުރީ މިއަހަރުގެ މާރިޗު މަހުގެ ތެރޭގައެވެ.
