Advertisement

ދިވެހި ފުލުހުންގެ ހިދުމަތުން ބުނީ މި ތަކެއްޗަކީ ހޮވައިގެން ގެނެސްފައިވާ ތަކެއްޗާއި ތުހުމަތު ކުރެވިގެން ހުއްޓުވައި ސުވާލުކުރި ބައެއް މީހުންގެ އަތުން ފެނިފައިވާ ތަކެތި ކަމަށެވެ. އެ ތަކެތީގެ ވެރިފަރާތް އެ މީހުންނަށް ބުނެދެވިފައި ނުވާތީ އެ ތަކެތި ވަނީ ފުލުހުންގެ ބެލުމުގެ ދަށަށް ނަގާފއިވާކަމަށް ފުލުހުން ބުނެއެވެ. 

ވެރިން ނުވެގެން ހޯދާތަކެތި 

• ވަގަށް ނަގާފައިވާ ކަމަށް ބެލެވޭ ރެޑްމީ ބްރޭންޑުގެ ދެ މޯބައިލް ފޯނާއި އިއަޕޮޑެއް. (އިންސިޑެންޓް ނަންބަރު 598627)  
• އައިޖީއެމްއެޗް ތެރެއިން ހޮވައިގެން ގެނެސްފައިވާ 35 ރުފިޔާ. / (އިންސިޑެންޓް ނަންބަރު 60678 )
• ހޮވައިގެން ގެނެސްފައިވާ ހައިޕްރެޝަރ ވޮޝަރއެއް. / (އިންސިޑެންޓް ނަންބަރު 606584) 
• މަޖީދިއްޔާ ސްކޫލު ކައިރިން ހޮވައިގެން ގެނެސްފައިވާ ހަތް ބޫޓު. / (އިންސިޑެންޓް ނަންބަރު 6067)  
• ކުޅުދުއްފުށި ސިޓީން ވައްކަމުގެ ތުހުމަތުގައި ހުއްޓުވައި ސުވާލުކުރި ބައެއްގެ އަތުން ފެނިފައިވާ ވަގަށް ނަގާފައިވާ ކަމަށް ބެލެވޭ ކުކިންގ އޮއިލް ހަމަކާއި ކަޓްއޮފް މެޝިނެއް. 

ފުލުހުން ބުނީ މިތަކެތީގެ ވެރި ފަރާތްތަކުން ކާކުކަން އެނގޭނެ ލިޔުމަކާއެކު ފުލުހުންގެ މަރުކަޒަށް ހާޒިރުވެ ތަކެއްޗާއި ހަވާލުވުން އެދޭކަމަށެވެ. އަދި ހަވާލުވާން އަންނަ އިރު އެތަކެތީގެ އިންސިޑެންޓް ނަންބަރު ބުނެދިނުމަށްްވެސް ފުލުހުން ވަނީ އެދިފަ އެވެ.