އައިލެންޑް އޭވިއޭޝަނުން ބުނީ، ޑޮމެސްޓިކް ޕަސިންޖަރުންނަށް ލައުންޖު އެކްސެސް އިހުތިޔާރު ކުރުމުގެ ފުރުސަތު ތައާރަފްކުރީ ފްލައިޓަށް މަޑުކުރާއިރު، އެ ޕަސިންޖަރުންނަށް ވެސް ހަމަޖެހިލައިގެން ތިބެވޭ، ހިތްގައިމު ތަނެއްގެ ފުރުސަތު ދިނުމުގެ މަގުސަދުގައި ކަމަށެވެ.
މޯލްޑިވިއަންގެ ޑޮމެސްޓިކް ފަސިންޖަރުންނަށް ވެލާނާ އިންޓަނޭޝަނަލް އެއާޕޯޓުގެ ޑޮމެސްޓިކް ޓާމިނަލުގައި ހުންނަ މޫނިމާ ލައުންޖާއި ދަރަވަންދޫ ޑޮމެސްޓިކް އެއާޕޯޓުގެ ކަށިމާ ލައުންޖާއި އިފުރު ޑޮމެސްޓިކް އެއާޕޯޓުގެ ކާނި ލައުންޖު ބޭނުން ކުރުމުގެ ފުރުސަތު މިހާރު ލިބޭނެ ކަމަށް އައިލެންޑް އޭވިއޭޝަނުންބުނެ އެވެ.
މީގެ އިތުރުން އައިލެންޑް އޭވިއޭޝަނުން ބުނީ، ލައުންޖު އެކްސެސް ބޭނުންވާ ޕަސިންޖަރުންނަށް ފްލައިޓު ފުރުމުގެ ހަތަރު ގަޑިއިރު ވަންދެން ލައުންޖު ބުކް ކުރެވޭނެ ކަމަށާއި، މޯލްޑިވިއަންގެ ކޯލް ސެންޓަރާއި ޓިކެޓިން އޮފީސްތަކާއި ވައިބާ މެދުވެރިކޮށް ލައުންޖު ބުކް ކުރެވޭނެ ކަމަށެވެ.
