އަމީން އެކްސްގައި ކުރެއްވި ޕޯސްޓެއްގައި ވިދާޅުވީ، މާލެ ސަރަހައްދުގެ ޓްރެފިކް ހާލަތުގެ ސަބަބުން މާލެ އަކީ ދިރިއުޅެން އުނދަގޫތަނަަކަށް ވެފައިވާ ކަމަށެވެ.
އެ މައްސަލަ އަށް ފަސޭހަ ހައްލެއް ނެތް ކަމަށާއި ނަމަވެސް ރައްޔިތުންގެ މަންފާއަށް ޓަކައި ފިޔަވަޅުތައް އަޅަން ޖެހޭނެ ކަމަށް އަމީން ވިދާޅުވި އެވެ.
މާލެ ސަރަހައްދުތަކުގެ މަގުތަކަކީ އަމާން ތަނަކަށް ހެދުމަށް ކަމާ ގުޅޭ އިދާރާތަކުން އަންނަނީ މަގުތަކުގައި ގިނަދުވަހު ބޭނުން ނުކޮށް ހުރި އުޅަނދުތައް ނައްތާލުމުގެ މަސައްކަތް ކުރަމުންނެވެ.
އެގޮތުން، ރަޖިސްޓްރީނުކޮށް ގިނަ ދުވަސްތަކެއް ވަންދެން ހުޅުމާލޭގައި ޕާކުކޮށްފައި ހުރި އުޅަނދުތައް ނެގުމުގެ މަސައްކަތް ވެސް ހުޅުމާލޭ ޓްރެފިކް ޕޮލިސް ޑިޕާޓްމަންޓުން ވަނީ ފަށާފަ އެވެ.
