ވިކްރާންތި މަސީ
ވިކްރާންތު އިންޑިއާގެ ނެޝަނަލް އެވޯޑުގެ އިންތިޒާރުގައި
03 އޯގަސްޓް 2024 - 11:03:52
ނިމުނު އަހަރު ރިލީޒްކުރި ކާމިޔާބު ފިލްމު "ޓުވެލްތު ފެއިލް" އިން އެންމެ މޮޅު އެކްޓަރުގެ ގައުމީ އިނާމު ނުވަތަ އިންޑިއާގެ ނެޝަނަލް އެވޯޑު ލިބޭނެ ކަމަށް އުންމީދިކުރާ ކަމަށް އެކްޓަރު ވިކްރާންތި މަސީ ބުނެފި އެވެ.
Advertisement
އެ ފިލްމުގައި އޭނަ ދެއްކި މޮޅު އެކްޓިން އިން ނެޝަނަލް އެވޯޑް ހައްގުވާ ކަމަށް ވަރަށް ގިނަ ބަޔަކު ބުނަމުން ދަނިކޮށް އިންޑިއަން އެކްސްޕްރެސް އަށް ދިން އިންޓަވިއުއެއްގައި ވިކްރާންތު ބުނީ ގައުމީ އިނާމަކީ އޭނާ ވަރަށް ބޭނުންވި އެއްޗެއް ކަމަށާއި ގައުމުގެ ރައީސްގެ އަތްޕުޅުން އެވޯޑެއް ލިބުމަކީ މުޅި އުމުރުގައި ދެކޭނެ ހުވަފެނެއް ކަމަށެވެ.
ވިކްރާންތު އިތުރަށް ބުނީ ގިނަ ބަޔަކު އޭނަ އަށް ނެޝަނަލް އެވޯޑް ލިބެން އުންމީދު ކުރާތީ އަމިއްލަ އަށް ވެސް އެ އުންމީދު މިހާރު އޮތް ކަމަށް ގަބޫލުކުރާ ކަމަށެވެ.
"އެހެންވެ ރިޔާސީ ގަނޑުވަރަށް ގޮސް ރައީސްގެ އަތްޕުޅުން އިނާމު ލިބިގަތުމަކީ އަހަރެން ވެސް މިހާރު ދެކޭ ހުވަފެނެއް،" މިފަހުން ކާމިޔާބު ގިނަ ފިލްމުތަކެއް ކުޅެފައިވާ ވިކްރާންތު ބުންޏެވެ.
ވިކްރާންތުގެ ކުރިއަށް އޮތް ފިލްމަކީ އަންނަ މަހުގެ 9 ގައި ނެޓްފްލިކްސް އިން ޕްރީމިއާކުރަން ހަމަޖެހިފައިވާ ރޮމޭންޓިކް ތުރިލާ "ޕިރު އާއީ ހަސީން ދިލްރުބާ" އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
