އެމްއޭއެފް އަކީ ރާއްޖޭގެ އެކައުންޓިން ކޮމިއުނިޓީގެ ތެރޭގައި ޕްރޮފެޝަނަލް ޑިވެލޮޕްމަންޓާއި އިތުބާރު އުފެއްދުމަށް ކުރާ ވައުދު އަލުން ކަށަވަރުކޮށްދީ، ޕްރޮފެޝަނަލް ފަރާތްތަކަށް އެއްބާރުލުންދީ، ޢިލްމު ހިއްސާކުރުމާއި، މިދާއިރާގެ ސްޓޭކްހޯލްޑަރުންނާ ގުޅިގެން މަސައްކަތްކުރުމަށް މުހިންމު ޕްލެޓްފޯމެއްގެ ގޮތުގައި ހިދުމަތްކުރާ ތަނެކެވެ.
މިއަހަރުގެ ފޯރަމްގެ ޝިއާރަކަށް ނަގާފައި ވަނީ "އާޓިފިޝަލް އިންޓެލިޖެންސްގެ ޒަމާނުގައި ކުރިއެރުން: އިނޮވޭޓް، އިންޓަގްރޭޓް، އިންސްޕަޔާ" އެވެ. މި ފޯރަމް ވަނީ އިއްޔެ ފަށާފައެވެ. ޝަރަފުވެރި މެހެމާނެއްގެ ގޮތުން މި ފޯރަމްގައި އިކޮނޮމިކް މިނިސްޓަރު މުހައްމަދު ސައީދު ވަނީ ބައިވެރި ވެލައްވާ، ވާހަކަ ދައްކަވާފަ އެވެ.
މިފޯރަމްގައި 18 މާހިރުން ވާހަކަ ދެއްކުމަށް ވަނީ ހަމަޖެހިފަ އެވެ. މީގެ ތެރޭގައި ދިރާގުގެ ސީއީއޯ، އިސްމާއިލް ރަޝީދް، މިނިސްޓަރ އޮފް ސްޓޭޓް ފޯ ހޯމް ލޭންޑް ސެކިއުރިޓީ އެންޑް ޓެކްނޯލޮޖީ، ޑރ. މުހައްމަދު ކިނާނަތު، އަދި މިދާއިރާގެ އެކި މާހިރުން ހިމެނެ އެވެ.
