ދުނިޔޭގެ އެންމެ މޮޅެތި ރާޅާ އެޅުންތެރިންނަށް ދައުވަތު ދީގެން ފޯ ސީޒަންސްއިން ކޮންމެ އަހަރު ބާއްވާ މުބާރާތް އޮންނާނީ އޮގަސްޓް 28 ން ސެޕްޓެމްބަރު ފަހަކަށް، މާލެ އަތޮޅު ކުޑަހުރާ ރިސޯޓް ކާރީ އޮންނަ ރާޅާ އަޅާ ފޮއިންޓުގަ އެވެ. މި މުބާރާތަކީ 25،000 ޑޮލަރުގެ އިނާމެއް ހުށަހެޅިފައިވާ މުބާރާތެކެވެ
ފޯ ސީޒަންސް މޯލްޑިވްސް ޗެމްޕިއަންސް ޓްރޮފީގައި ބައިވެރިވާ ރާޅާއެޅުންތެރިންގެ ތެރޭގައި ފަސް ފަހަރު ދުނިޔޭގެ ޗެމްޕިއަންކަން ހޯދާފައިވާ ހަވާއީގެ ދުނިޔޭގެ ކެރީސާ މޫރާއި އޮލިމްޕިކް މެޑަލް ހޯދާފައިވާ އޮސްޓްރޭލިއާގެ އޮވެން ރައިޓް އަދި އަދި ސައުތު އެފްރިކާގެ މައިކީ ފެބްރުއަރީ ހިމެނެއެވެ.
މި އަހަރުގެ އިންވިޓޭޝަނަލް ރާޅާ އެޅުންތެރިންގެ ތެރޭގައި ފްރާންސްގެ ޖެރެމީ ފްލޮރެސް އަދި ބްރެޒިލްގެ ޖޭޑްސަން އަންދްރޭގެ އިތުރުން ރަންނަމާރި ޗެލެންޖު 1445 ގެ ޗެމްޕިއަންކަން ހޯދި ދިވެހި ކުޅަދާނަ ރާޅާ އެޅުންތެރިޔާ އަހުމަދު އާގިލް (އައްމަޑޭ) ހިމެނެއެވެ. މީގެ ތެރެއިން ޖެރެމީ ފްލޮރެސް އަދި އަންދްރޭއަކީ ކުރިންވެސް ރާއްޖެ އައިސްފައިވާ ރާޅާ އެޅުންތެރިންނެވެ.
ރާޅާ އެޅުމުގެ ދުނިޔޭގެ ޗެމްޕިއަނުންނަށް ދައުވަތު ދީގެން ބާއްވާ މި މުބާރާތް ކުރިއަށްދާނީ ތިން ކެޓަގަރީއަކަށް ބަހާލައިގެން ނެވެ. އެ ތިން ކެޓަގަރީއަކީ ސިންގަލް ފިން، ޑަބަލް ފިން އަދި ތުރަސްޓާގެ ކެޓަގަރީ އެވެ.
