އެމްޕީއެލްއިން ވަނީ މި ބައްދަލުވުމާއި ގުޅެ ބައެއް ފޮޓޯތައް ހިމަނާ އެކްސްގައި ޕޯސްޓް ކޮށްފައި އެވެ. ނަމަވެސް މި ބައްދަލުވުމާއި ގުޅޭ އިތުރު މައުލޫމާތެއް ހާމަ ކޮށްފައެއްނުވެ އެވެ.
މީގެ ކުރިން އެމްޕީއެލްގެ އެމްޑީ ވަނީ ޕޯޓް ސަރަހައްދުގައި މަސައްކަތް ކުރާ މަޖޫރީންނާ ވެސް ބައްދަލުކުރައްވާފަ އެވެ.
ވަޖީހު އަންނަނީ އެމްޕީއެލްގެ ހިންގުން ހަރުދަނާ ކުރުމާއި ގުޅޭ ގޮތުން ފުޅާ ދާއިރާގައި މަޝްވަރާތައް ބާއްވަމުން ނެވެ. އެގޮތުން ސަރަހައްދީ ބަދަރުތަކުގެ ހިންގުން ހަރުދަނާ ކުރުމަށް ސަރަހައްދީ ބަދަރުތަކަށް ޒިޔާރަށް ކުރައްވާ އެތަންތަނުގެ ހާލަތު އަންނަނީ އޮޅުން ފިލިވަމުން ނެވެ. އެގޮޔުން ވަޖީހު މިފަހުން ވަނީ ދެކުނުން ހިތަދޫ ޕޯޓަށް އަދި އުތުރުން ކުޅުދުއްފުށީ ޕޯޓަށް ޒިޔާރަތް ކުރައްވާ އެތަންތަނުގެ އޮޕަރޭޝަން ކުރިއަށް ދާގޮތް ބައްލަވާ ހާލަތު އޮޅުން ފިލުއްވާފައި އެވެ.
ވަޖީހު މިފަހުން ވިދާޅުވީ އެމްޕީއެލްގެ އެންމެ މުހިއްމު މަސައްކަތަކީ އެ ކުންފުނީގެ ބަނދަރުތަކަށް ގެންނަ މުދާތައް އޭގެ ވެރިންނާ ހަމައަށް ފޯރުކޮށް ދިނުން ކަމަށެވެ. އަދި އެކަމުގައި ހުރި ދަތިތައް ހައްލު ކުރުމަށް ފިޔަވަޅުތައް އަޅާ، އޮޕަރޭޝަން ވީހާވެސް ލުއި ގޮތަކަށް ރާވާ، އަވަސް ކުރަން ބޭނުން ކަމަށް އޭނާ ވިދާޅުވި އެވެ.
