ދައުލަތުން މާލީ ބަދަލެއް ދިނީ، އައިޖީއެމްއެޗުގެ އިހުމާލުން ދަރިފުޅު މަރުވި މައްސަލައެއްގައި އެ ދަރިފުޅުގެ އާއިލާއަށެވެ. މާލީ ބަދަލު ހޯދުމަށް އާއިލާއިން މި މައްސަލައިގައި ފުރަތަމަ ހިޔާރުކުރީ ޝަރުއީ މަރުހަލާއެވެ. އެގޮތުން، މާލީ ބަދަލު ހޯދުމަށް މި މައްސަލަ ސިވިލް ކޯޓަށް ހުށަހެޅުމުން މާލީ ބަދަލު ދިނުމަށް ދައުލަތުން އެއްބަސްވީ ކޯޓުން ބޭރުގަ އެވެ. އެހެންވެ އާއިލާއިން ދައުވާ އަނބުރާ ގެންގޮސްފައިވެ އެވެ.
މި މައްސަލައިގައި ދައުލަތައި އެ އާއިލާއާ ދެމެދު ހެދީ ސިއްރު އެއްބަސްވުމެކެވެ. ދައުލަތާއި އެ އާއިލާ ދެމެދު ވެފައިވާ އެއްބަސްވުމަކީ ސިއްރު އެއްބަސްވުމަކަށް ވާތީ އޭގެ އެއްވެސް ތަފުސީލެއް އާއިލާއިން ވެސް އަދި ދައުލަތް ތަމްސީލްކުރާ ބަންޑާރަ ނައިބުގެ އޮފީހުން ވެސް ނުދެ އެވެ.
ބަންޑާރަ ނައިބު އޮފީހުން ހަމައެކަނި ހިއްސާކުރި މައުލޫމާތަކީ ސެޓަލްމަންޓް އެގުރިމަންޓަކަށް ދިއުމަށް އެ އޮފީހުން ނިންމި ސަބަބެވެ.
